Eksodas 12:10 - Nobonob Baibel

¹⁰ Ag doɗ teppu laih laa uuppeg dayeb, wagɗeb lakkulagnu aib heppig. Am doɗ teppu huppu laa dayeb, wagkkaɗeb amu, ag aab aɗuppa maippeg ewa iitta maɗ!

Eksodas 12:10 ပူးပေါင်းရင်းမြစ်များ

Eksodas 16:19

Aria, Moses nug ag amelagppa aum. “Ag ee imu butti buttuanu laa aib aon meppeg dayom,” awa aum.

Eksodas 23:18

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Laa amu, ag da dabmeɗanna qagmak gamag ahak ele henana, ag doɗ main, da meɗatteb amu, ag doɗ amu ittag meppeg dayebeb, butti buttua aib meɗappig. Iitta. Ag gemu main meɗeg!

Eksodas 29:34

Am amunu teppu, bret ele laala dayebeb ukkeb, wagɗeb buttua daakku dayeb amu, ag ee amu ii lamana. Iitta. Ag maippeg ewaɗ! Aɗinu? Ee amuam dahilnu tituanak daatte; am ee hamu iitta.

Eksodas 34:25

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Lewitikas 19:6

Ag deɗ mana mettak amu hetteb, deɗ amuppaib, o deɗ amu uueb, wagkkaɗeb deɗ amuppa lakkulagoitte. Amge ag deɗ ewam amuppa amu, keeke laa big daatte dayeb, ag manadppeg eoglagoitte.

Lewitikas 22:30

Ag doɗ mana, Yawe mettak amu hena, laih manan, Nug medatteb, ag deɗ amuppaib maha ahilag lakkulag. Ag aib laih laa uuppeg dayeb ukkeb, wagɗeb, deɗ amuppa laa lappig. Da am Yawe.

Namba 9:12

Amu ag doɗ teppu laih laa iinab uuppeg dayebeb wakkaɗma; ebehi laippu laa ele ii qiimna. Haen ag Pasowanu Hobul gamag ahak ele hekkulag amu, ag amunu ɗo oh dim lamidkkulag.