Eksodas 11:8 - Nobonob Baibel

⁸ Keeke amu beeb, nahipad ehanittak anuqak danab imu, ag geha uɗin, da noolppa gomelna, ag ɠagattag inam akkulag, ‘Na ukke! Na nahipad danab ah ele, ag pahanab ukkeg!’ Aria, keeke amu oh ba maleb, dimppa amu, geha da Isip uukkul,” awa aum. Moses nug anam awowa, nug oo nauhak nau doyaya, nug Paro uuitta, dimittim ukkom.

Eksodas 11:8 ပူးပေါင်းရင်းမြစ်များ

1 King 20:10

Ag gona, Benhadat amegppa anam aeg, Benhadat nug doya, nug nai laa Ahap dookkunu me ukkom. Nai amuam inam. “Da heppi, dahilad daup ag danab nug wan paduduɗe, kalu nette, ag Samaria aabnu anam bia heppeg, Samaria nauheb, aab amu oh kalu daalo amu, kalu amu oh dahilad daup ag eppelkadppa aɗaglagnu elele. Ag eppelkad am-ii-bema. Da amu heppi, meu ii beeb amu, kayak laala ag bu okkainab meɗaglagnu ool daatte,” awa aum.

2 King 3:9

Anam amunu, Israel dilag king Joram, Juda dilag king Jehosapat, amu Edom dilag king ele, ag ahan, ahilkad ban danab diieg, ag goppig. Ib amuam ib elab amunu, deɗ eblaih aɗit ele ib amuppa goppig. Ukkaegeg, ban danab dilag le, amu doɗ dilag le ele aon goppig amu, iitta meum.

Nehemaia 5:6

Juda dilag daɗek bia daappig ag anam aeg doye, da ool huana nauhom.

Sam 6:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Eksodas 10:29

Anam awa a, Moses doya, nug aum. “Na attem am genab, da na baula iinab anidpa!” awa aum.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 49:26

Laa ag Juda ahilagnu eheɗ hetteb ele amu, da heppi, ag akka akka ag teppulag lakkulag. Da heppi, ag akka akka ag tiilag lawona, danab nug wain la, kaaka qette bia daaglag. Da anam hekkul amunu, danab laa oh ag da Yawe, ag dahilnu, da am ag Juda, ahilag padal memananu ehanittak danab dayeye, da ahilag qagaiettakppanu eɗua uhuqaknu ehanittak dayeye, da am Yawe, da Laa Ɠagattag Okkai Ele, Jakop da binal meum ele amu, da anam daattem dooglag.” Yawe Nug anam atte.

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Daniel 3:19

Satrak, Mesak, Abetnego ele ag anam aeg, Nebukatnesar nug oppoɗi be ameg kokoɗ eppe, nug nuhig dabmak nid ewam dilagnu am eɗua, nug danab uɗat amu gumappig ele ag heppeg, aab ewak huan ewom ele amu, aab amuam huanak naunab nau heppeg eokkununab aum.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Duteronomi 29:24

Anam beeb, wanppan wan laala taliliak daattebnu danab ag oɗ mekkulag. “Yawe Nug aɗi diignu wan imu anam heum? Aɗi diignu Nug oo nauhak huanaknab anam doyom?”

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

Ikki Danab 4:10

Amu Barak nug Seblon, Naptali ele huuppan ban danab onilagppa e, 10,000 ag dona, ag nug dim lamitteg, ⌊qauko Taba⌋ goppig. Deborah nug ag ele oh goppig.

Ikki Danab 8:5

Ag lamadna gona, ag Sukot tena, Gideon nug aab amunu danab oɗ mattom. “Na oot da meɗan, dahil ban danab imu ee laa madakkut elelete? Aɗinu? Ag maidadaɗna autna autnanab aoppig, amge da Midian dilag king, Seba, Salmuna ele aɗualatkkulnu lamate uɗien, tuɗidib hekkul,” awa oɗ mattom.