Eksodas 11:6 - Nobonob Baibel

⁶ Am laih Isip ohppa danab ah oh ag geha uug okkainab doonna, huanak qanaglag. Anukka qanak anam laa Isip wanppa ii beum; amu dimppa ele, anam baula ii bema.

Eksodas 11:6 ပူးပေါင်းရင်းမြစ်များ

Eksodas 11:7

Amge geha, haen amuppa Israel danab ah daattebppa, aɗitai keeke nau laa Israel danab ah dilagppa, ahilkad doɗ dilagppa ele iinab bema. Oqotti wak, qai gamɗu qak keeke, keeke amuam nakok laa appa iinab daama,’ awa atte. Keeke anam bekku amunu, na amuppa dookkut, Yawe Nug ag Isip, ahilagnu ena ii doyaya, Nug Israel dilagppa ena dootte.

Eksodas 12:30

Aria, tuqan amuppaib Paro, nuhikkud ehanittak anuqak danab, amu Isip laa oh ele ag tuqan ahan, ag ahilkad nid ⌊danab⌋ tatamnu mauhatteg anadna, laih Isip ohppa amu, danab ah ag qanak huanak naɗi heppig. Aɗinu? Lag anen anen ohnu nid ⌊danab⌋ tatamnu mauhadppig.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 9:18

Amu butti haen inamppa, geha da heppi, ais doɗo uug okkainab ele Isip wanppa nekkulag. Isip wan imuppa haen nug digmak beebe, ais doɗo anam ii neppig, uɗia gemu batak.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Aisaia 15:8

Amu Moap dilag wan makkulak ohppa ukka tom ohppa batak, amu makkulak amu ohppa danab ah qanannaib daaglag. Ag qanappeppeg, danab ah Eglaim aab okkaippa ag dooglag. Ao, ag qanappeg, Berelim danab ah ag dooglag.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Amos 5:17

Da ag bu madakkulnu uɗien, ag oolagppa oikkul amunu, ahilag grep dad ohppa mahiak okkai daakku.” Yawe Nug anam awa atte.

Sepanaia 1:10

Amu Yawe Nug ele atte. “Deɗ da Yawe, da Juda danab ah bu madakkul amu, danab ah aɗnu od onig Kakainu Od guguittak daatteb amu, ag gaaglag. Amu danab ah ag aab ooppa aben bau heppig amuppa, ag mahiak okkai hekkulag. Amu aab ooppa qauko nakok daattebppa amu, appanu oqotti naɗi oobob dooglag.

Luk 13:28

⌊Amu ag ooppa nokkulagnu elele iitta amu,⌋ haen ag Abraham, Aisak, Jakop amu propet oh ag Kayaknu ɗo maɗoɗ ooppa daappeg anadnana, ag am geɗattak dimittim daatteb doonna, ag gaanna, aelkad ele emalkkulag.