Eksodas 10:15 - Nobonob Baibel

¹⁵ Tap-lokus ag am-nab-bena, ag Isip wan amu oh tonaeg, wan amu gatatu manak dayom. Anam dayeye, tap-lokus ag gikkiɗah, ad uɗug keeke, lae nena, ag ad meu ais doɗo ii aqom ele, ag amu oh ele lae neppig. Am ad uɗug, o gikkiɗah, o aɗi keeke bau dayom amu, keeke amu ohnab laih Isip dilag wanppa amu, laa ii dayom; ohnab lae neppig.

Eksodas 10:15 ပူးပေါင်းရင်းမြစ်များ

Sam 78:46

Kayak Nug he, tap ag datta appa, ag Isip dilag ee lappig. Ao, Nug keeke oh ag ee aon lakkulagnu eppelagppa heppig ele amu, Nug he, tap-lokus ag lana malappig.

Eksodas 10:12

Ag anam heeg, Yawe Nug Moses amegppa inam awa aum. “Na eppen attan humana, Isip wan epponppe, geha tap-lokus ag uɗin, keeke oh ais doɗo naɗi na, ii aqom ele, ag amu lakkulag,” awa aum.

Eksodas 10:5

Geha ag Isip wan oh tonappeg, na wan beɗu ii anidmana. Amu keeke oh ais doɗo ii aqom amu, tap-lokus ag geha lappeg iitta mekku. Amuam eeib iitta. Iitta. Ag ad oh, uɗulkad bau betteb, am ele lakkulag.

Prowerb 30:27

Tap-lokus, ag ahilag king laa iitta, me ag oh huu mena gotteb.

Joel 1:4

Am inam. Tap-lokus huanaknab ag ameg naɗinab daan uɗin, keeke laeg ukke, keeke laa uun ii lappig amu, tap-lokus okkai okkai, ag lappig. Tap-lokus okkai okkai ag keeke lanan uun, ii lappig amu, tap-lokus bau makkulak, ag lappig. Am tap-lokus bau makkulak ag keeke lanan uun, ii lappig amu, tap-lokus diig laala ag lappig.

Joel 2:25

Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.

Amos 7:2

Aakku uɗippig antten, da tuɗitten tuleglegppa, tap-lokus ag uɗin, wanppan keeke oh am beegeg laeg iitta meum anidmi. Wanppa keeke bau laa ii dayom. Da tulegleg anam antten, da emi. “O Naɗi Yawe, na Jakop buɗub dilag hipunin uhuqna madakkutnu oɗ medattem. Jakop buɗub ag kuɗumnab iitta amunu, tap-lokus ag amu heppeg, Jakop buɗub oh mauhkkulag,” awe emi.