Eksodas 1:8 - Nobonob Baibel

⁸ Israel ag anam appatna daaeg, haen elab ukke, dimppa king laa ba, nug Isip gumom. King amu nug Josepnu kaya nakok laa ii doyom.

Eksodas 1:8 ပူးပေါင်းရင်းမြစ်များ

Sam 105:25

Isipnu amu, Yawe Nug ag uuatte, ag Israel dilagnu nau ninig ele doon, kekeɗ madappig. Nug uuatte, ag nuhikkud maɗi nid eheɗ hattaglagnu maittak aoppig.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 3:9

Antte! Da Israel danab dilag gayak doyen, Isip danab ag layag ɠagattag iitta ele eheɗ hettak kobol dim lamidnana, Israel dilagppa kobol eheɗ hetteb ele anidmi,

Eklisiastis 9:15

Amu aab nakok okkai amuppa daɗek danab laa dayom, nug doyak dabmak ena okkai ele amu, nug aab amuppan danab doyak dabmak okkai ele nuhigppanu ib ippuanatte, kekeɗ ag aab amu ii eɗadppig, amge amu dimppa aab amuppan danab ag daɗek danab ag ehanattom ele, ag nug daulag atiom. Nug aɗi keeke ena laa ii medappig.

Aposel 7:18

Israel ag anam kuɗumnab appateg, Isip dilag king laa beum. King amu nug Josepnu kaya nakok laa ii doyom.

Aposel 7:19

Nug amu ii doya, nug ihinkad danab anukkanu ag nug, amu Isip ele uɗat nauppa ehanadkkulagnu he heppig. Ele amu, nug laa guittak mettaknu uug laa ii doyak kobol dim lamitta, kobol nau digdig ahilagppa haaha, nug kobol naunab laa ha, nug Israel ag ahilkad nid yuɗ mauhkkulagnu buɗiadppeg gona, dimittim daan mauhkkulagnu ɗo meum.

Duteronomi 26:6

Amge Isip ag ig eheɗ heikkegeg, guittak dootta, uɗat ɠagattag hetata daamut.

Ikki Danab 2:10

Aria, danab menuattak huu laippu bia amu, ag oh mauheg, menuattak baula bena, ag Yawe Nug keeke okkai okkai Israel dilagnu heum ii anidnana, ag nuhignu ele dab-ii-meppig.