Eksodas 1:20 - Nobonob Baibel

^20-21 Ah aɗit amu aa Kayaknu ebehilti oh bodoetta le meum amunu, Kayak ena haata, ehanate, aa danab aoya, nid menuya, anam daapiɗ. Amu Israel ag kuɗum appateg, danab ah kuɗum benana, ag ɠagattag ele beppig.

Eksodas 1:20 ပူးပေါင်းရင်းမြစ်များ

Sam 103:11

Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Sam 111:5

Auntai nug nuhignu ebehi oh bodoetta le mette amu, Yawe Nug laa amu ee medatte. Nug aɗi hekkunu danab laa ele nug tituanya nai qagapiɗ ele amu, nug nai amu ii obat-tte. Iitta. Nug aɗi hekkunu aum am aakku hette.

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Sam 61:5

O Kayak, aɗinu da ool okkai anam daatte? Na genabnab haknu nai ana qakkak dahil doon ehaniɗna, na danab ah nahipnu ebehilag oh bodoetta le mette ele keeke ena ena, ahilag aug bia madattem amu, na da ele gemu keeke amu meɗame.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Eksodas 1:12

Isip danab ag Israel danab eheɗ naunab anam hadappig, amge Israel danab ag ahilag appata kuɗum baknu am ii iitta meum. Iitta! Ag huan appategeg, Isip wanppa kuɗum huanaknab daappig amunu, Isip danab ag Israel dilagnu baɗak okkai dooppig.

Eksodas 1:19

Nug anam a, aria ah aɗit aa Paro aum, aa amunu amegppa inam apiɗ. “Amunu diig am iikku. Hibru ah, ag am Isip ah ele diilag laippu iitta. Hibru ah ag ah ɠagattag; ag nid menuglagnu ii bahi qetteb, paha menutteb. Ag anam hetteb amunu, i geha ukkauɗuɗ, ag nid menutteb,” aoya apiɗ.

Eksodas 1:7

amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.