Eksodas 1:14 - Nobonob Baibel

¹⁴ dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Eksodas 1:14 ပူးပေါင်းရင်းမြစ်များ

Genesis 15:13

Tone amu, Yawe Nug amegppa aum. “Na imu tutukku doye! Na buɗunad ag geha danab laa dilag wanppa aab diig danab iitta maɗ 400 daaglag. Ag anam daabppeg, wan amuppan danab ag heppeg, na buɗunad ag ahilag begbeg maɗi nid daaglag; amu ag ele ag eheɗ hattaglag.

1 King 12:14

nug nid bau dilag ulum nai dim lamitta, nug ag amelagppa inam aum. “Am genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da bu qaun ele noob aeg eleppa ag mataɗadkkul,” awa aum.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 68:13

Gemu amu ag silwa, gol ele kuɗum ele daatteb. Ai uppuɗil beɗulag nakok nug haug silwappa tonak daatte, nug beɗu am golppa tonak daatte, anamnab aakku, ag gol, silwa ele huanak aoppig.

Sam 81:6

Kayak Nug atte. “Da ag gukkalagppan uug amu aɗatte aomi. Ao, da hei, ag baula uɗat uug ele, Isip danab ah ag heeg heppig ele, ag amu baula ii heppig.

Eksodas 1:11

Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.

Eksodas 1:13

Isip danab ag anam baɗan, ag Israel danab dilagnu oo doyak ii doon nau hena, uɗat eheɗ, uug elenab mattaeg heegeg,

Eksodas 1:15

Anam daye amu, Isip dilag king nug ah aɗit, Siprah, Puah ele, aa Israel ah nid menuadkkulagnu heegeg ehanadpiɗ amu, nug aa amelahppa aum.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 6:9

Moses nug nai amu Israel amelagppa aum, amge ag nai nuhig amu, ag amunu nai genab ii dooppig. Aɗinu? Ag uɗat eheɗ nau, ɠagattag heppig, ahilag dabmak ele am qe nak dayom.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Aisaia 10:24

⌊Ag Israel danab ah, laippu laippu qagaiettakppa ii mauhadna, eɗun⌋ uɗiglag amunu Naɗi, Nug Yawe Nukka Ɠagattag Oh Ele, Nug inam atte. “Danab ah dahilad Sion daatteb ag Asiria ag buppa makkuɗadna eheɗ hadatteb, anukka Isip ag ahilagppa daɗibppa heppig bia hetteb amu, ag amu dilagnu aib baɗappig.

Aisaia 14:6

Kingnu qakun amu aɗappig ele amu, ag oo nauhakppaib daan, ag haen oh danab ah laa oh eheɗib hadappig. Ao, ag oppoɗilag be amelag kokoɗ eppe, ag haen oh ban henana, wan laa oh eɗadnana heeg, agib waalagpa daappig.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Aisaia 52:5

Ag anam daaeg uɗie, gemu attemnab iikku beum daatte? Aɗi beum daatte amunu, wan laappan daup ag ele uɗin, ag dahilad danab ah hamu diin goppig? Ag diin gona heeg, dahilad danab ah ag gumak ahilag waappa daaeg, danab amu ag dahilad danab ah aon aon aqatteg, danab ah kuɗum ag deɗ oh amun tuqan ele dahilnu dabittak nai maditteb.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Lewitikas 25:43

Aibnab oo doyak ii doyaya hakppa nau hadappig. Iitta! Ag Kayaknu ebehilag oh bodoetta le maɗ!

Lewitikas 25:46

Ag ahilag daappeg, ag Israel, ag mauhak haen miag dob, ag heppeg, begbeg maɗi nid maɗi ah amu ag ag bekkalkad dilag daaglag. Danab amu ag hanhan ahilag begbeg maɗi nid daaglag, amge Israel danab ah, ag lailkadnab amu, ag ahilagnu oo doyak ii doonna, nau hattak ii hekkulagoitte.

Lewitikas 25:53

Danab laihnu uɗiak, ag oolagppa daatteb amu, ag uɗat nid onilagppa eeg, ag uɗin uɗat maɗ laippu hetteb, ag amu dilagppa attem attem hetteb, amubia ag ahilkad maɗi nid, Israel dilagnu, ag anamib hekkulagoitte. Ag aib uuppeg, wan laihnu danab ele laa, nug Israelnu maɗi nid laanu oo doyak ii doyaya, nau hettom.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Nahum 3:14

⌊O gadon, Niniwe danab ah, kekeɗ ag uɗin, oo mattan aqaknu maadna daaglag amunu,⌋ ag haen amunu le huanak itan, aon uɗieg! Ag waa haknu wan aon, brik haknu babaitteg! Ag aɗ bappaidkkulagnu brik heig!

Namba 20:15

Ig mamenkad aɗi ag Isip noeg, ig appa maɗ kuɗumnab daamut. Isip danab ag ig, amu ig mamenkad aɗi ele eheɗ heigppig.

Aposel 7:19

Nug amu ii doya, nug ihinkad danab anukkanu ag nug, amu Isip ele uɗat nauppa ehanadkkulagnu he heppig. Ele amu, nug laa guittak mettaknu uug laa ii doyak kobol dim lamitta, kobol nau digdig ahilagppa haaha, nug kobol naunab laa ha, nug Israel ag ahilkad nid yuɗ mauhkkulagnu buɗiadppeg gona, dimittim daan mauhkkulagnu ɗo meum.

Aposel 7:34

Da Isip danab, ag dahilad danab Isip daatteb ele amu, ahilagppa kobol eheɗ huanak heegeg anatte, danab dahilad dilag aiqakkak ele doottem amunu, da ag ehanattena, ahilag uug amu autkkulnu nemi. Amu na ahe! Da na eɗun Isip gokkutnu meitti gottem,’ awa aum.

Duteronomi 26:6

Amge Isip ag ig eheɗ heikkegeg, guittak dootta, uɗat ɠagattag hetata daamut.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Rut 1:20

Aeg amu, Naomi nug aum. “Dahilnu ag Naomi aib appig. Laa Nukka Ɠagattag Oh Ele Nug he, da uug naunab doottem amunu, dahilnu ag Mara aon aig!