Eksodas 1:11 - Nobonob Baibel

¹¹ Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.

Eksodas 1:11 ပူးပေါင်းရင်းမြစ်များ

Genesis 15:13

Tone amu, Yawe Nug amegppa aum. “Na imu tutukku doye! Na buɗunad ag geha danab laa dilag wanppa aab diig danab iitta maɗ 400 daaglag. Ag anam daabppeg, wan amuppan danab ag heppeg, na buɗunad ag ahilag begbeg maɗi nid daaglag; amu ag ele ag eheɗ hattaglag.

Genesis 47:11

Anam amu Josep nug nug mameg, awakkud, amag ele ag Isip wanppa aben enanagnab daaglagnu matte, ag aguppa daappig. Aben amuam wan atu onig Gosen, onig laa Rameses. Paro aum, amubia Josep nug heum.

1 King 9:19

amu nug keeke maatte dayaknu aab okkai laala ele kalattom. Laa amu nug bannu karis, hos ele maatteb daaglagnu aab kala, amu keeke laala oh ele nug Jerusalem, Lebanon ele, amu wan oh nug gumom ele, appa hekkunu dabmeum amu, nug aakku heum.

2 Stori 16:4

King Benhadat nug King Asa nai aum amu doya, nug amunu ena doyom. Nug ena doyom amunu, nug nuhikkud ban daup ikki amelagppa a, ag ban danab diieg gona, Israel dilag aab anen anen, amuppa ban heppig. Ag gona ban henana, Israel dilag aab Iyon, Dan, Abel Maim, amu keeke maatte dayaknu aab okkai laala Naptali wanppa daappig ele amu, ag amu oh ele eɗadna aoppig.

2 Stori 8:4

Amu ele nug aab Tatmor, atu taɗakppa appa kala, nug aab okkai laala Hamat atuppa ele kalattom. Aab amu oh am keeke maatte dayaknu aab.

Sam 105:13

Ag qati qati, mauhnoak wan anen anenppa oippig. Ge, ag wanppan ɗo maɗoɗ digdigppa anam oippig.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 129:2

Amuam genab, haen ig huu laippu daautut, ihinkad kekeɗ ag ig eheɗ hegappig, amge ag ig hegappeg nauhkkunignu elele iitta daappig.

Sam 68:13

Gemu amu ag silwa, gol ele kuɗum ele daatteb. Ai uppuɗil beɗulag nakok nug haug silwappa tonak daatte, nug beɗu am golppa tonak daatte, anamnab aakku, ag gol, silwa ele huanak aoppig.

Sam 81:6

Kayak Nug atte. “Da ag gukkalagppan uug amu aɗatte aomi. Ao, da hei, ag baula uɗat uug ele, Isip danab ah ag heeg heppig ele, ag amu baula ii heppig.

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Eksodas 2:11

Dimppa Moses nug danab okkai ma, nug ukka, Hibru danab anattom; ag nug ele amu, ag tiilag laippu. Nug ag Paronu uɗat ɠagattag, uug ele heegeg anattom. Nug anam anattette amu, Isip danab laa aha, Hibru danab makkuɗeɗe anatom. Danab guittak awom amu, nug Moses ele aa tiilah laippu; aa oh am Hibru danab.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 5:10

Paro nug anam a amu, Isipnu uɗat gumak danab nau oo doyak iitta ele, am Israel buɗubppan gumak danab ele ag Israel gumadna gona, amelagppa appig. “Paro nug aum. ‘Da appi, laa ag gikkiɗah baula aon ii mattamna.

Eksodas 5:15

Ag anam heeg amu, Israel buɗuppan gumak danab ag Paro gumidna gona, amegppa appig. “Aɗi diignu na ig, nahipad begbeg maɗi nid, na ihinignu kobol inam hettem?

Eksodas 5:8

Ag akka aoglag, amge ag briknu ebqak hanhan hetteb bia anamib hekkulag. Ag aib heppeg, briknu ebqak amu tutu meum! Iittanab iitta! Aɗinu? Ag uɗat elele ii hetteb amunu, aakku ag, ‘Uuigppe ig gota, ig doɗ mait, ihinig Kayak mettagnig,’ atteb.

Prowerb 27:4

Danab nug oo nauhkku dayeb amu, nug laa guittak medakkutai. Ao, danab nug oppoɗi be ameg kokoɗ ebatte dayeb amu, nug laa guittak nau medakkutai; amge danab nug dahil doya laa aomanu doyak aɗa daakku dayeb, nug heeb, laa padal mekkunu elele.

Namba 20:15

Ig mamenkad aɗi ag Isip noeg, ig appa maɗ kuɗumnab daamut. Isip danab ag ig, amu ig mamenkad aɗi ele eheɗ heigppig.

Duteronomi 26:6

Amge Isip ag ig eheɗ heikkegeg, guittak dootta, uɗat ɠagattag hetata daamut.