Eklisiastis 7:9 - Nobonob Baibel

⁹ Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Eklisiastis 7:9 ပူးပေါင်းရင်းမြစ်များ

Genesis 4:8

Nug anam aum, amge geha Kain nug Abel amegppa aum. “I dad okkaippa noɗu!” awa aum. Anam a amu, aa goya oiyya, Kain nug ban ha, amag Abel makkuɗe mauhom.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

2 Samuel 13:32

Ag anam heppig, amge Dawit awag Sama bekka Jonadap nug Dawit amegppa aum. “O danab naɗi. Na Apsalom nug na begapad oh aqe mauhppig aib dabmeme. Iitta! Amnon nug nukka mauhom. Aɗinu? Amnon nug Apsalom appinag Tamarnu eheɗ heum, haen amuppa Apsalom nug Amnon qeeb mauhkkunu dabmaama oiyeye uɗiom.

2 Samuel 19:43

Ag anam aeg, Israel danab ag nob mena appig. “Ig Israel, ig am huu okkai eblaih laih ele, ag Juda, ag am laippuib amunu, nug ihinig king daakkunu am diig okkai ele, ahilag eɗittak. Anam daatte amunu, aɗinu ag ihinignu keeke hamunab dootteb. Ig tatam ig omalpput, Dawit uɗikkunu iite mattimut?” aon appig. Ag anam appig, amge Juda danab ag nai ɠagattagnab, Israel dilag nai eɗittak, Israel danab amelagppa madippig.

Prowerb 14:17

Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Prowerb 25:8

Na paha paha nai laa aon, hettoɗiakppa aib meme; na anam hekkut dayeb, dimppa nahip mudippan laippu nug heeb, nahip nai am hambuppuak, anam miag atieb amu, na attem hekkut?

Eklisiastis 7:10

Na, “Aɗinu ⌊Kayak he,⌋ anukkan haen am haen ena, me gemu am ena iitta?” aib oɗ mettame. Aɗinu? Oɗmak amuam doyak dabmak ena eleppa ii bette.

Jona 4:8

Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Mak 6:19

Jon aum, diig amunu ele Herot wau Herodias nug oo aeg be, nug Jon qeeb mauhkkunu heum, amge elele iitta.

Mak 6:24

Nug anam a, nid ahin nug aha dimittim ukka, nug keeke aɗi aokkunu Herot amegppa akkunu anig oɗ mettom. Oɗ mette amu anig nug aum. “Na Layattak Jon ikki medakkunu appe doyaɗ!” awa aum.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.