Eklisiastis 7:5 - Nobonob Baibel

⁵ Danab doyak dabmak ena ele nug na daut bateb, na dabmekkut am ena; amge na danab nug Kayak dab-ii-maama ii dim lamidtte ele, nug ahi ettebeb, na daanna dookkut, am ena iitta.

Eklisiastis 7:5 ပူးပေါင်းရင်းမြစ်များ

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.

Prowerb 13:18

Danab nug tolittak awaknu uutte ele, gogtak nuhig am uɗa nak awa, daɗek ele daakkunu daatte; amge aun nug tolittak ena aotte, nug binag aotte.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Prowerb 25:12

Danab laa nug doyak dabmak ena ele, nug danab laa, nug dookkunu oo hette ele, nug nug daug batakku dayeb; amuam enanag, daulag bid golppa hak, o bala laa gol enanagppa hak bia.

Prowerb 27:6

Layapnu daug batakppanu guittak awak, amuam keeke genab, nai amunu na genab elele dookkutnu elele; amge kekeɗnu ootuqittak huanak, amuam keeke genab iitta.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Prowerb 9:8

Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Eklisiastis 7:4

Danab nug doyak dabmak ena ele nug lag mahiak hettebppa daakkunu dabmette; amge danab nug Kayak dab-ii-maama ii dim lamidtte ele, nug lag laa, oo hak anuqak doyak kobol amuppa anuqak daatteppa daakkunu dabmette.

Eklisiastis 9:17

Danab ag doyak dabmak ena ele ag qinonob nai madippeg, danab ah ag nai amu dooglag, am enanag; me okkai danab, ag Kayak dab-ii-menan ii dim lamidtteb ele, ag baalag okkaippa madippeg, danab ah dooglag, amuam ena iitta.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!