Eklisiastis 7:24 - Nobonob Baibel

²⁴ Wan imuppa keeke oh ib attenppa ba gotte amu; ba ukkak amunu diig oh da dookkulnu elele iitta. Danab laa amu ohnu diig dookkunu elele iitta.

Eklisiastis 7:24 ပူးပေါင်းရင်းမြစ်များ

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Sam 139:6

Da amu oh am genab doottem, amge da amu diig tutukku dookkulnu elele iitta. Ao, Yawe, nahip hak ena, da amunu diig dookkulnu elele iitta; da eɗiltte.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Eklisiastis 8:17

haen amuppa da keeke oh Kayak heum anidmi. Aam waappa keeke oh ba gotte amu, danab laa nug amu oh dookkunu elele iitta. Danab nug wagainab ma, diig dookkunu hekku, amge nug diig oh tutukku dookkunu elele iitta. Danab nug doyak dabmak ena ele nug, “Da amu oh doottem,” akkutai, amge nug genab diig oh tutukku dookkunu elele iitta.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.