Eklisiastis 7:13 - Nobonob Baibel

¹³ Kayak aɗi aɗi heum amu, ag dabmetteg! Aɗinu? Nug aɗi keeke he, kaliak daatte amu, aun laa nug heeb, tutukku daakkunu elele?

Eklisiastis 7:13 ပူးပေါင်းရင်းမြစ်များ

Job 11:10

Kayak Nug uɗia, maniguittakppa meidkkutai, o Nug hettoɗiak abenppa meidkkutai. Nug anam hekku amu, auntai laa Nug amegppa, ‘Na anam aib heme,’ akkunu elele? Laa iitta.

Job 12:14

Kayak Nug keeke laa he nauhtte amu, laa nug eɗua babaitteb, ena daakkunu elele iitta. Auntai laa Kayak Nug maniguittakppa inatte amu, laa nug uhuqkkunu elele iitta.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 37:14

Job, na daut human, nai dahil imu doye! Na toettan daan, Kayak Nug kobol danab hekkunu elele iitta hette amu, na uɗat amu oh dabmenan daye!

Job 9:12

Nug keeke laa danab eppegppanu aɗitta aokkunu heebeb amu, laa nug ii aomanu akkunu elelete? Iitta! Ao, laa nug Nug amegppa, ‘Na attem hena aottem,’ akkunu elelete? Iitta!

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 8:3

Da na hab heme, na kalam, hoɗoppai keeke ele hattana, abenalagppa maadme ele neekke anatten dabmein dayeye amu, da inam dabmettem.

Eklisiastis 1:15

Keeke laa kaliak daatte amu, danab laa nug heeb, eɗua tutukku, daalobianab daakkunu elele iitta. Ao, keeke laa ii daatte dayeb, laa nug ebqekkunu elele iitta.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Eklisiastis 8:17

haen amuppa da keeke oh Kayak heum anidmi. Aam waappa keeke oh ba gotte amu, danab laa nug amu oh dookkunu elele iitta. Danab nug wagainab ma, diig dookkunu hekku, amge nug diig oh tutukku dookkunu elele iitta. Danab nug doyak dabmak ena ele nug, “Da amu oh doottem,” akkutai, amge nug genab diig oh tutukku dookkunu elele iitta.

Aisaia 14:27

⌊Yawe Nug amu genab hekku.⌋ Aɗinu? Yawe Nukka Ɠagattag Oh Ele, Nug keeke hekkunu maittak awa, ɠagattag qettom dayeb amu, aun nug heeb, geha Nug keeke hekkunu dabmette amu ii bema? Ao, Nug eppeg bahiom daatte dayeb amu, aun nug heeb, Nug eppeg eɗua aokku?

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Luk 12:26

Ag keeke nakok laa anam hekkulagnu elele iitta amu, aria aɗinu ag keeke laanu dabmak huana qette?

Rom 9:15

Aɗinu? Nug Moses amegppa aum. “Da danab laanu oo gai-iitta doye ool metten ehanidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul,” awa aum.

Rom 9:19

Amunu laa nug da amelppa inam akku. “Anam dayeb amu aɗinu Kayak Nug danab laa, nug beɗuppa nai yaatte? Aun nug Kayaknu dabmaknab awak qeeb nekkunu elele?”

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.