Eklisiastis 6:2 - Nobonob Baibel

² Kayak Nug danab laa enub keeke, binag ele medatte. Danab amu nug keeke attemunab oo hette amu, nug aakku aɗatte, amge Kayak Nug danab amu nug keeke amunu gamag ahak laa dookkunu ii ehanidtte amunu, nug mauhe, danab nug ii dootte ele, nug awa, amuppa gamag ahak aotte. Kobol amuam gaɗappa, unuqagppa ele anttak laippu iitta; am eheɗ nau laa aakku.

Eklisiastis 6:2 ပူးပေါင်းရင်းမြစ်များ

Eklisiastis 5:19

Laa ele amu, haen Kayak Nug danab laa en keeke metta, Nug he, danab amu nug keeke amuppa gamag ahak aokkunu elele daatte, Nug he, danab amu nug nuhig wanppan oiyaknu elele dootte, Nug he, danab amu nug nuhig uɗat hekkunu ele gamag ahak dootte amu, amu oh am Kayak eppegppanu, danab amu, nuhig daakkunu keeke laa aakku.

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Sam 73:7

Nau hak kobol am ag oolag ambeum dayeye, ag nauib hetteb. Ag hanhan kobol nau hekkulagnu dabmak aotteb.

1 King 3:13

Laa ele, da geha keeke laala na amunu da ii oɗ meɗame ele, da amu ele na medakkul. Medappi, na geha en okkai aon, amu binan okkai ele aon daakkut. Aria, na anam daakkut amu, na bau daattem, haen amuppa amu, king laa nug na daakkut, laa anam bia ii daama. Iitta.

Gayak Nai 5:2

Wan laihnu danab ag uɗin, ihinig wan, na wan amu ig aunig daakkunu mekkame amu, ag wan amu aon daatteb. Ge, wan laihnu danab ag uɗin, ig launigppa daatteb.

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Hosea 7:9

Ag wan laihnu danab ah kobol nau hetteb, ag amubia heegeg, ahilag ɠagattag bodoettaladtte, amge ag amu ii dootteb. Ao, Israel am danab kaino laa nug ikki uɗug nakok umimi qak ele, amge nug amu ii dootte, Israel danab ag amubia daatteb, amge ag amu ii dootteb.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Eklisiastis 5:16

Amu ele, am eheɗ nau laa ele. Ge, danab nug wanppa dotte, anamib nug eɗua, wan uua, mauhak abenppa gotte. Nug wanppa uɗat heɗiag ele heumppanu aɗi keeke ena aotte? Laa iitta. Nug uɗat heɗiag ele heum, amge nug danab ulah aɗakkunu dim lamidtte bia haaha daatte.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

2 Stori 1:11

Solomon nug anam Kayak amegppa a, Kayak Nug aum. “Na en okkainu, binan okkainu, nahip kekeɗ eɗadppe iitta mekkulagnu ele oɗ ii meɗame. Laa amu na bau dayak elabnu ele oɗ ii meɗame. Iitta! Na danab ah imu, da hei, na ahilag king daattem amu, na ag ena, elele gumadkkutnu doyak dabmak ena ele, doyak elenu oɗ meɗame. Amuam nahip oo hak naɗi.

1 Stori 29:28

Nug anam king daye ukke mauhom amu, nug kainonab dayaya mauhom. Nug haen elab bau daya oiyaya mauhom. Nug en okkai ele, binag ele okkai ele. Nug mauhkkun heehe, nug bekka Solomon nug ou daya, king abennabppa ta dayom.

1 Stori 29:25

Solomon king abenabppa ba daye, Yawe he, Israel danab ah oh ag Solomon binag okkainab medappig. Israel dilag king laa Solomon ii nak haenppa nug binag okkai amubia laa iitta.

Ikki Danab 18:10

Haen ag appa wana amu, ag danab appa daatteb ele ag uug laa ahilagppa bekkunu ii dabmetteb anadkkulag. Kayak Nug ig wan okkai ittag ele mekkom. Keeke laanu tutu iinab memata!” aon appig.

Duteronomi 28:43

Wan laihnu danab, ag uɗin, ag oolagppa daatteb, ag geha tuɗidib ɠagattag bebeppeg, ag amu geha tuɗidib bodoettaglag.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Eklisiastis 5:13

Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.