Eklisiastis 2:9 - Nobonob Baibel

⁹ Da ii domi haenppa, laa oh Jerusalem daappignu amu, dahil onig, ɠagattag ele am ahilag onig, ɠagattag ele eɗitta autta auttanab awom. Ag oolagppan laa nug da ii eɗilom. Da keeke amu oh hemi, amge da doyak dabmak ena ele uuenne ii hemi. Iitta! Da doyak dabmak ena ele aɗeɗe aakku hemi.

Eklisiastis 2:9 ပူးပေါင်းရင်းမြစ်များ

1 King 10:23

Amu King Solomon nug nuhig doyak dabmak ena ele, amuppa, amu nug enub kuɗum eleppa nug wanppanu king laa oh eɗattak dayom.

1 King 10:7

Tatam, haen da ii anidmi, da naiib doomi ele, da nai amunu oolppa genab ii doomi. Amge gemu da uɗie, amelppanab antte amu, da iikku doottem. Nai amuam genab. Ge, nai amuam genab, amge nahip doyak dabmak ena ele, amu nahip en am huanak, okkai ele, nai da amunu doomi ele amu, keeke aɗit amu aa nai amu huanak eɗidttep. Na nai da dahil wanppa dayeye doomi amu, na nai amu eɗidna malame,” awa aum.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

1 Stori 29:25

Solomon king abenabppa ba daye, Yawe he, Israel danab ah oh ag Solomon binag okkainab medappig. Israel dilag king laa Solomon ii nak haenppa nug binag okkai amubia laa iitta.

2 Stori 1:1

Amu Dawit bekka Solomon nug king ba daya, nug laa nug king abenabppanu lamidmanu ha, ɠagattag okkai awa, nug aakku king ɠagattag dayom. Aɗinu? Yawe, Solomonnu Kayak, Nug Solomon ele daayya he, Solomon nug onig okkai, ɠagattag okkai ele dayom.

Eklisiastis 1:16

Da dakka, da dabmein, oolppa inam ami. “Antte! Da doyak dabmak ena okkai elenab aomi. Ao, da laa oh Jerusalem ippa king daan, doyak dabmak ena ele aoppig amu, da doyak dabmak ena ele ahilag am eɗatten malami. Ge, da keeke kuɗumnab doyeye anidmi; doyak dabmak ena ele, amu diignu doyak tutukku ele, aa da keeke kuɗumnab ippuniɗpiɗ,” awe ami.

Eklisiastis 5:11

En tuɗitta, okkai mette amu, laa ag en amu latteb, ag ele tuɗid, kuɗum ele daatteb. Anam amunu, en mameg nug en kuɗum amuppa aɗi ehanittak aotte? Nug amegppa aakkuib anidtte.