Eklisiastis 10:5 - Nobonob Baibel

⁵ Aam waappa eheɗ hak laa daatte anidmi; eheɗ hak amuam danab okkai, ag beɗulagppa.

Eklisiastis 10:5 ပူးပေါင်းရင်းမြစ်များ

Prowerb 19:10

Danab nug Kayak dab-ii-maama ii dim lamidtte ele nug enub huana ele daakku dayeb amu, ⌊nug nau bekku amunu,⌋ amuam ena iitta; anam amunu begbeg maɗi nid nug anuqak danab eɗatta, ahilag okkai daakku dayeb amu, ⌊nug uɗat amu ii doya, naunab hekku amunu,⌋ amuam ena iittanab.

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Eklisiastis 10:6

Eheɗ danab okkai hetteb amu, am danab ag Kayak dab-ii-menan ii dim lamidtteb ele tituanadna, danab ah gumadkkulagnu gumak abenppa maadtteb; amge ag danab ag uɗat amu hekkulagnu ehah ele, ag danab amu tituanadna, aben amuppa ii maadtteb. Iitta. Ag uɗat laa hamu, aben amuppa maadtteb.

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 4:7

Amu da baula aam waappan keeke gaɗappa, unuqagppa ele anttak laippu iitta aakku anidmi.

Eklisiastis 5:13

Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Eklisiastis 6:1

Aam waappa eheɗ laa danab ah uug okkai madatte anidmi am inam.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.