Eklisiastis 1:9 - Nobonob Baibel

⁹ Aɗi keeke wanppa dayom amu, keeke amuib eɗua baula daakku. Ao, aɗi hak wanppa beum amu, hak amuib am baula bekku. Ge, aam waappa amu, keeke bau laa ii daatte.

Eklisiastis 1:9 ပူးပေါင်းရင်းမြစ်များ

Eklisiastis 1:10

Amu danab nug keeke laanu, “Antte! Laa nug keeke imu deɗ laa ii anttom; am keeke bau!” akkunu elelete? Iitta! Keeke nug anttom amu, keeke amu anukka dayom. Ao, keeke amuam anukka ippa dayom.

Eklisiastis 2:12

Da amu oh hein malen, da doyak dabmak ena elenu diig, Kayak dab-ii-maama hak okkai, da kobol amunu diig ele dabmekkulnu dabmemi. Aɗinu? Auntai laa nug da dimulppa uɗia, king daakku, nug keeke da kobol amunu ma anttak hekkulnu aɗattem bia ii aɗama; da amu haknu keeke oh aɗattem bia.

Eklisiastis 3:15

Aɗi keeke ig gemu anidttem amu, anukka ele amu dayom; aɗi keeke butti aɗi bekku amu, haen amu ii nakppa keeke amu aakku dayom. Kayak Nug he, keeke matu beum am, eɗua haenppa bette.

Eklisiastis 6:10

Aɗi keeke daatte amu, keeke amu oh am onilkad ataɗattak daatteb; amu danab ag attem daatteb am miag atia dayom. Kayak Nug ɠagattag oh ele, amu laa Nug ele nai apeɗ ona, apeɗ dokkunu elele iitta.

Eklisiastis 7:10

Na, “Aɗinu ⌊Kayak he,⌋ anukkan haen am haen ena, me gemu am ena iitta?” aib oɗ mettame. Aɗinu? Oɗmak amuam doyak dabmak ena eleppa ii bette.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Jeremaia 31:22

O Israel danab ah, ag am nid ah laa, nug mameg oɗe ii doyaya, kobol digdig hette, ag amubia da dimeɗona kayak hambuppuak laala dim lamadtteb; amu haen gane laa ele ukkeb, ag kobol amu uun, eɗun Yawe ele laippu daaglag? ⌊Yawe Nug heeb, ag eɗun uɗiglag⌋ am kobol baunab aakku. Ah ag digmena, danab gumalob amuam kobol baunab aakku daalo, amubia Yawe Nug heeb, ag eɗun uɗiglag am kobol baunab aakku.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

Revelesen 21:1

Aria, amu dimppa da aakku hab bau wan bau ele anatmi. Hab tatamnu wan tatamnu ele aa iitta mepiɗ, amu yu nug ele iitta meum.

Revelesen 21:5

Am laa nug sia king ⌊anuqak,⌋ amuppa daatte ele Nug aum. “Amu gemu da keeke oh bau hadattem!” awa aum. Anam ana amu Nug baula ele aum. “Keeke imu oh na ye! Aɗinu? Nai imuam genab, danab ah ag oolagppa genab dooglagnu elele,” awa aum.