Eklisiastis 1:3 - Nobonob Baibel

³ Danab nug wanppa aam waappa dayaya, ⌊beɗu ehanidkkunu⌋ uɗat okkai hette amu; amuppanu nug aɗi meunab aotte?

Eklisiastis 1:3 ပူးပေါင်းရင်းမြစ်များ

Eklisiastis 2:11

Da eppelppa uɗat amu okkai hein; da aɗi keeke bekkunu uɗat heinne daami. Da anam hemi, amge da hein malen, keeke amu oh am gaɗappa, unuqagppa ele anttak laippu iitta anidmi; keeke amu oh am danab nug ulah aɗakkunu, ulah dim lamidtte, am amubia. Aam waappa uɗat amu oh hemippa, am keeke meu ele ii beum.

Eklisiastis 2:18

Da uɗat huan heinne, keeke aomi amu, da amu oh antten, dabmei ukke, danab laa da abenal aokku ele, nug keeke amu oh aokku amunu, keeke oh aam waappa da uɗat hein aokkulnu hettem, da amu ohnu nau ninig ele doomi.

Eklisiastis 2:19

Keeke oh da doyak dabmak ena ele dim lamitten bappaidkkulnu uɗat huan heine daami amu, keeke amu oh danab laa da abenal awa daakku ele, nug eppegppa daakku. Nug am danab doyak dabmak ena ele, o iitta, nug danab Kayak dab-ii-maama ii dim lamidtte ele, da ii doottem, amge keeke amu oh nug eppegppa aakku daakku. Kobol amu ele am gaɗappa, unuqagppa ele anttak laippu iitta.

Eklisiastis 2:22

Aɗinu? Danab nug wanppa dayaya, keeke qagmekkunu uɗat tuɗid ele haaha, nug uɗat ebehi guittette hette amu, nug uɗat amu ohnu aɗi meu ena laa ii aotte.

Eklisiastis 3:9

Uɗat nid nug uɗat okkai haaha, nug aɗi keeke hanhannu aotte?

Eklisiastis 4:3

Da anam ain, da tuɗitten, “Anam, amge laa nug wanppa ii doum ele, nug am enanag daatte. Nug eheɗ hak oh danab ag aam waappa daan hetteb ele, nug amu oh ii anttom,” ami.

Eklisiastis 4:7

Amu da baula aam waappan keeke gaɗappa, unuqagppa ele anttak laippu iitta aakku anidmi.

Eklisiastis 5:16

Amu ele, am eheɗ nau laa ele. Ge, danab nug wanppa dotte, anamib nug eɗua, wan uua, mauhak abenppa gotte. Nug wanppa uɗat heɗiag ele heumppanu aɗi keeke ena aotte? Laa iitta. Nug uɗat heɗiag ele heum, amge nug danab ulah aɗakkunu dim lamidtte bia haaha daatte.

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Eklisiastis 7:11

Danab nug mameg eppegppanu aug keeke aotte amu, nug keeke ena aotte. Doyak dabmak ena am ele aug bia; danab aun aɗi ag bau daan, doyak dabmak ena ele aotteb amu, ag amuppa ehanittak aotteb.

Eklisiastis 9:13

Amu deɗ laa danab aam waappa daya, nug doyak dabmak ena ele, nug nuhig doyak dabmak ena ele amuppa keeke okkai heum antten, da ittag okkainab iwom.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Eklisiastis 9:6

Mauhak dimppa amu, ag wanppa daan, oo mauhak doyak, laa dilagnu, nau ninig ele doyak, ag dahil doya laa aomanu doyak aɗa dayaknu ele dooppig amu, keeke amu oh aakku iitta meum; baula ii daama. Ge, danab ah mauhppig ele ag baula keeke laa aam waappa ba gotte ele, ag amu ooppa daan, amuppa keeke laa hekkulagnu elele iitta.

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Habakuk 2:18

Kayak hambuppuak dottog danab nug eppegppa hoitte amu, dottog amuam danab ah attem ehanadkku? Ao, kayak hambuppuak dottog silwappa, o golppa hak, danab ah doyak hambuppuak ippunadtte amu, keeke amuam danab ah attem ehanadkku? Aɗinu? Auntai nug bappaidtte ele amu, nug keeke nugib eppegppa heumnu ooppa genab dootte. Nug hette am keeke nai madikkunu elele iitta.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

1 Korint 16:16

Ag danab anam amu dabmattanna, ag oɗelag dim lamidna, amu danab laala ag danab amu ele uɗat hetteb amu, ag ahilagnu ele anam heig!