Duteronomi 9:7 - Nobonob Baibel

⁷ Ag Yawe, ahilag Kayak, ag Nug atu taɗakppa heeg, Nug oppoɗi beum amu, ag amu oh ag daulagppa doaɗ! Haen ag Isipnu digmen ahappig uɗie, gemu ele, ag Nug oɗe tappaeg neene daatteb.

Duteronomi 9:7 ပူးပေါင်းရင်းမြစ်များ

Eksodas 14:10

Amu Paro, nuhikkud ban hak daup ele ag uɗin gukkuattegeg, Israel ag amelag human, Isip dilag daup amu anadna, ag eheɗ nau baɗan, ag Yawe ehanadkkunu onigppa eppig.

Eksodas 14:11

Ag enana amu, ag Moses amegppa inam appig. “Aɗinu na ig hamu omaigna uɗie, ig atu taɗakppa inam daattem? Boumak aben Isip wanppa elele iite daatte amunu, ig aben imuppa mauhkkunignu omaigna uɗimete? Ig Isip daatta mauhlom am ena.

Eksodas 16:2

Ag atu taɗak amuppa tena oinna amu, Israel oh ag Moses, Aron ele dilah naittuɗ nau mena,

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Eksodas 23:21

Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Aisaia 48:8

Anukkanu, gemu ele ag dahil nai dooglagnu uun, ag amunu dabmak ii aoppig. Ag daulag hanhan ituakib daatte. ⌊Da gemu keeke bau imunu madittem, anukka ag amelagppa ii ai dooppig amu, amunu diig am⌋ da doottem, ag paha da dimeɗan, laa binag mekkulagnu hetteb. Ag digmak haenppanu, gemu ele ag da waalppa daamnanu, dahil nai tabappeg nekkunu henan oitteb.

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Jeremaia 32:30

Israel huu, Juda huu ele ag memetalkad anukkanab, ag digmena, kobol digdig, danab nug kobol amu hette nug da neegttemppa eheɗ hette amu, ag kobol amu aakkuib heegeg uɗie, gemu ele hetteb. Genab, ag eppelagppa kayak hambuppuak dottolkad bappaidna, ag heegeg, da oppoɗil beum daatte.

Jeremaia 44:9

Anukka ag mamelkad aɗi, ahilkad king, ahilkad kuin ele, amu gemu ag ippa Isip daatteb amu, ahilkad ah ele ag Juda wanppa, Jerusalem aabppa ele daanna, nau digdig hedappig amu, ag amu daulag atiomte?

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

Esekiel 20:43

Ag amuppa daanna, ag ahilag hak nau, ahilag oiyak eheɗ ele, ag kobol amu heeg, amuppa ag oolagppa dubuttid teum daatte amu, ag amu dabmena, ag akka ag ahilag eheɗ hak amunu ag ahilagnu ag nau gahag bak ele dooglag.

Esekiel 20:8

Da anam ami, amge ag dahil nai tappaeg neum. Ag dahil nai dooglagnu uuppig. Ag dottolkad uɗig wak ele, ag dottolkad amu binalag mekkulagnu oolag okkai daatte amu, ag dottolkad amu ii akkaeg goppig. Ag Isip dilag kayak hambuppuak dottolkad binalag mekkulagnu ii dimadppig. Ag amu heppig amunu, da oppoɗil be, bu okkainab madakkulnu ami. Ao, da ool nauhehe, da ahilag hak naunu nob naunab madakkulnu ami.

Esekiel 36:31

Ag anam enaib daanna, ag tatam kobol eheɗ, kobol nau ele heppig dabmenana, ag akka ahilagnu ag hipunin heppig, kobol digdig, da kobol amunu oolppa uuaknab doottem, ag kobol amu ele heppig amu, ag amu oh heppignu akka ahilagnu oolagppa uuaknab dooglag.

Namba 11:4

Hib guitta danab laala Israel danab ah oolagppa daappig, ag ee laa, Yawe hanhan mattom amu iitta, ee laanu oolag huanaknab dayom amunu, ag mattina, Israel danab ah ag oh naittuɗ mena appig. “Amu doɗ teppu lakkunignu daalo, ig elele doolom.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 17:10

Anam heeg, Yawe Moses amegppa aum. “Na Aronnu dudqak hokkat amu eɗun, Tituanak Nainu Kunup kontrak inak ele noobppa me! Na appa meppe, at aakku dayebeb, da aɗi nai attemnu, danab, ag nai tappe nak danab amu, ag dahilnu naittuɗ ii memananu dabmekkulag. Ag at amu dabmena ag dahilnu naittuɗ ii hena, ag ii mauhmana,” awa aum.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

Epesus 2:11

Aria ag iitta aɗi, anukka Juda, ag akka eppelagppa ag beɗulagnu gaɗalag otaɗtteb ele amu, ag ahilagnu amu, “Ag gaɗalag ii otaɗtteb ele,” aon adappig amu, ag iitta aɗi ag anukka attem daadttappig amu daulagppa doaɗ!

Duteronomi 31:27

Aɗinu? Ag Israel ag am nai tappe nak danab, amu ag oɗe dim lamidmananu, ag ahilag dabmak ɠagattag eppak ele daatte amu, da doottem. Gemu da ag ele daattem, amu haen imuppa, da daaiyi, ag Yawenu nai tappaeg ne oitteb amunu, da mauhppi amu, ag henana, nai tappe nak danab huanaknab daaglag.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Duteronomi 9:24

Ag hanhan Yawe oɗe tappaeg nette anidttem. Ag kobol amu ii uutteb, hakib hetteb. Haen oh da ag doyadttem ele amu, ag anamib aakku hetteb.

Duteronomi 9:4

Anam amu, Yawe, ahilag Kayak, Nug heeb, ag Israel ag danab ah amu lamadkkulag amu, dimppa ag akka ahilagnu aib, “Ig am genab tutukku aɗi amunu, Yawe Nug ig wan imu aognignu omaikka uɗia mekkom!” appig. Iitta. Wanppan wan anen anen imunu danab ah ag hak ahilag am nau amunu, Yawe Nug heeb, ag danab amu lamadkkulag.