Duteronomi 9:2 - Nobonob Baibel

² Danab amu ag am danab tikkuak, elab elab ele. Ag am Anak buɗub. Am laa ag inam aegeg dooppig. “Aun nug Anak danab eɗadkkunu elele?” Danab amu, am danab aakku.

Duteronomi 9:2 ပူးပေါင်းရင်းမြစ်များ

Job 11:10

Kayak Nug uɗia, maniguittakppa meidkkutai, o Nug hettoɗiak abenppa meidkkutai. Nug anam hekku amu, auntai laa Nug amegppa, ‘Na anam aib heme,’ akkunu elele? Laa iitta.

Eksodas 9:11

Am Isip dilag baɗ mak danab ag Moses gumidna uɗiglagnu elele iitta. Aɗinu? Ag beɗulag mamattin he nauhom; ihilag ele. Isip danab ah laa oh ihilag mettom, amubia ag ele ihilkad ele,

Daniel 11:16

Wan yawalti uɗitteppanu daatte, amu dilag king nug ɠagattagnab amunu nug ooppa aɗi hekkunu oo daatte amu, nug aakku hekku. Laa nug nuhig ib oo nekkunu elele iitta. Nug wan enanag, am Israel wan amu, nug amuppa hibaitta daakku. Nug wan amu heeb nauhkkunu ɠagattag elele.

Daniel 8:4

Da neekkitten daaiyi, sipsip dawai amu nug doɗ aɗi aɗi qaban uɗitteppa, yau uɗitteppa, yawalti uɗitteppanu ele daappig amu, nug appa ag ele ban hekkulagnu qaietta ukkom. Doɗ laa nug sipsip dawai amu eɗidkkunu elele iitta. Laa nug doɗ atten laa sipsip ele ban hepiɗ ehanitteb, sipsip nug aa ii eɗatmanu am laa iitta. Sipsip dawai nug aɗi hekkunu dabmeum amu, hakib heum. Nug anam he ukke, nug onig, ɠagattag okkainab ele dayom.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 13:28

Amge danab ah ag appa daatteb, ag am ɠagattag ele. Ahilkad aab okkai am okkai okkai aɗ ele daatteb. Am keeke uug laa ele am, danab beɗu okkai onig Anak, nug buɗub am appa daaegeg ele anadmut

Namba 13:33

Am ig Nepil buɗub anadmut. Anak nug Nepil buɗub amunu, Anak buɗub, ag ele Nepil buɗulkad. Ig am nakok, ag am okkainab. Ig ikka ihinig neekkakppa, ahilag neekkakppa ele amu, ig am tap bia daautut, ag am danab bia daatteb. Ig anam anadmut,” aon appig.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 2:21

Repaim danab ag am kuɗumnab, ɠagattag ele. Elab ahilag amu Anak danab bia, amge Yawe Nug he, Amon danab ag ag lamadna, hattaeg nauheg, Amon ag wan ahilag aon daappig.

Duteronomi 7:24

Nug geha danab amu, Nug king ahilkad diia, ag eppelagppa meeb, ag hadappeg nauhkkulag. Ag heppeg, king amu ag nauhna autnanab aon, ag wanppa deɗ laa ii daalob, am anambia daakku. Auntai laa ag, ag Israel eɗadkkulagnu elele iitta. Geha ag hadappeg, nauhna iitta mekkulag.

Josua 11:21

Haen amuppa Josua nug Anak buɗub, ag laih qauko qauko ele Hebron, Debir, Anap guguittak daappig amu, ag qauko amuppa daaegeg, amu Juda wanppa, Israel wanppa ele qauko qauko daattebppa ele daappig amu, nug ag oh hatte nauhppig. Nug he, ag, aab ahilkad oh ele, ag Yawenuib nuhig pelemppa daappig.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

Josua 15:14

Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.