Duteronomi 9:1 - Nobonob Baibel

¹ O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Duteronomi 9:1 ပူးပေါင်းရင်းမြစ်များ

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Daniel 4:11

Ad anam daye ukke, okkai maama, ɠagattag ele ma teete, ikki ta, hab aɗom. Wanppan danab ah oh, ag wan atu adeppa adeppa daatteb amu, ag anidkkulagnu elele.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 33:51

“Na Israel danab ah amelagppa nai imu appe doyeg!” ⌊Nug anam a amu, Moses nug Israel amelagppa inam aum.⌋ “Haen ag Jodan le mataɗna wana Kanan nona amu,

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 11:23

Yawe Nug geha wan laala Kanan wan imuppa daatteb, amuppan danab ah, ahilag ɠagattag am ag Israel, ahilag eɗittak amu, Nug ag lamatta heeb, ag Israel ag ag ahilkad wanppanu lamadna aoglag.

Duteronomi 11:31

Ag wan umu, Yawe, ahilag Kayak, Nug ag wan amu madatte amu, ag wan amu aon daaglagnu Jodan le imu mataɗna wana nokkulagnu hetteb. Amu haen ag wan amu aon, appa daaglag amu,

Duteronomi 27:2

Amu deɗ ag Jodan le mataɗna, Yawe, ahilag Kayak, Nug wan madatte, ag amuppa nona amu, deɗ amuppa ag men okkai aon qappaladna, simen hakkab eleppa laaidna aɗeg!

Duteronomi 3:18

Haen amuppa da haknunab nai imu Israel dilag huu okkai, ag Jodannu kaɗag uɗitteppanu daaglag amu, da ag amelagppa ami. “Yawe, ahilag Kayak, Nug ag wan imu aon, ahilag keeke daakkunu mattom, amge ag ahilkad ban danab ɠagattag amu maadppeg, ag Jodan mataɗna wana, ag lailkad Israel laa appa daaglag amu, ag ag ehanadkkulagnu ban haknu bappaidna anuqna gokkulagoitte.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 4:38

Nug ag diia uɗia heeb, wan ag aoppeg, ag aulag dayebeb daaglagnu, Nug wanppan wan laalanu danab wan amuppa daatteb, ag ag Israel eɗattak, ag ahilag ɠagattag okkai ele, Nug heeb, ag Israel, ag danab amu lamadkkulagnu omalatte uɗin, gemu iguppa iikku daatteb.

Duteronomi 6:10

Am inam bekku. Yawe, ahilag Kayak, Nug ag omalatta, Nug hekkunu nuhig nai ɠagattag qetta, ag mamelkad aɗi, Abraham, Aisak amu Jakop ele wan madakkunu aum, Nug amuppa nokku. Wan amu aab okkai ena ena, ag ii buuppig ele amuppa daatteb.

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Josua 14:12

Amunu, na da wan maha qauko qauko ele umu, Yawe Nug dahil daakkununab deɗ amuppa nai ana qakkom amu, na amu meɗakutnu oɗ medattem. Aɗinu? I lokkumakppa atu italak danab daaɗ oiyuɗuɗ, i lainti laa ag Anak danab ag aab okkai, ag am aab ɠagattag aɗ ele amuppa daaegeg, ag amunu mattiegeg, na doome, amge Yawe Nug da ele daagnih, amu Nug heeb, da geha Nug aumbia, da wan amuppan danab lamatten eɗadkkul,” awa aum.

Josua 3:14

Haen Israel ag goppig amu, amuam ee meu awak haen dayom. Maɗ ohppa amu, haen amuppa le ui otte amunu, le ui oum. Haen danab ah aben uun, Jodan mataɗkkulagnu heeg, aria mana mettak danab ag Tituanak Nainu Kunup kontrak inak ele, ag amu maona anuqppig. Anuqna gona, haen mana mettak danab ag leppa tappaeg amu, Yawe Nug he, le ag daappigppanu attan, appa amu, le amu nakok laa doa, noa gokkunu ii ha dayaya, uma tak aab onig Adam guguittak, appa le amu qagmaama, titiɗa qauko bia dayom. Adam am aab laa onig Saretan daugppa daatte. Jodan le baeg amu, nug noa ukka, Mauhak Leppa notte, amu oh otaɗa awom amunu, danab ah ag mataɗna, Jeriko gukkuidna wappig.

Josua 3:6

Josua nug danab ah amelagppa anam a, deɗ amu uue, wagɗe, deɗ amuppa nug mana mettak danab dilag aum. “Ag Tituanak Nainu Kunup kontrak inak ele, ag amu aon, maon anuqna gobeppeg, danab ah dim lamadna ukkeg!” Nug anam a amu, ag anam heppig.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

Josua 4:5

Ag qagmeeg, aria nug ag amelagppa aum. “Ag Yawe, ahilag Kayak, ag nuhig Tituanak Nainu Kunup le gamagppa daatte amu, ag appa gona, kunup amu noobppa, Jodan le gamagppa, appanu ag anen anen, ag men laippu laippu aon, gukkalkadppa maweg! Men laippu laippu, amu dilag ebqak am Israel dilag huu okkai anen anen, ebqak anamib daaglag.