Duteronomi 8:8 - Nobonob Baibel

⁸ Wan amuppa wit, bali, grep muɗi, ad fig, pomigranet, olip ad, amu uppuh leppu kuɗum ele daatteb.

Duteronomi 8:8 ပူးပေါင်းရင်းမြစ်များ

Genesis 49:11

Juda nug keeke kuɗum ele amunu, nug danab nug donki nuhig muɗi grep diigppa qakkalo, nug amubia hekku. Ao, nug danab nug donki nag nuhig muɗi grep enanagnab, amuppa qakkalo, nug anambia hekku. Danab nug keeke kuɗum ele, wainnu am keeke hamu bia doya, lamen elab aguppa ihalo, Juda nug anam daakku. Ao, danab nug keeke kuɗum ele, lamen nuhig grep lebuppa ihalo, nug amubia daakku.

2 Samuel 4:6

Aa goya, lag ooppanu wit awaknu ippu heya goya, Isboset niiomppa teya, aa nug biig qep-ppa yaaeh mauhom. Amuppa aa yaaeh mauhe, danab aɗit aa hewoya oolpiɗ.

1 King 5:11

Amu Solomon nug Hiram wit aeg, uug nuhig 2,000,000 kilogram, amu 400,000 lita olip goɗen ena ele maɗ ohppa medattom. Ee amuam Hiram, nug danab nug ele daatteb ele lakkulagnu madattom.

2 King 18:32

Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia amu, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag. Wan amuppa bret, grep dad ele elele daatteb. Ao, wan amuppa olip ad ag beegeg, uppuh leppu ele daatte. Ag bau dayak tituaneg! Ag mauhak aib tituanppig! Ag Hesekaia atte amu, ag aib dooppig. Aɗinu? Nug atte. “Yawe Nug ehanikkeb, ig Asiria dilag king eppegppa ii daamta,” awa atte,

Sam 147:14

Amu ele, Nug he, ag Israel wanppa daatteb, ag maɗoɗ ele daaegeg, Nug ag bret kunum ena ena witppa heppig amu matte latteb.

Sam 81:16

Amge da ag Israel danab ah, da ag ee ena ag mattalom. Ao, da ag ee ena ubuhi ele amu, da ag lakkulagnu mattalom.”

Aisaia 7:23

Keeke laa bekku am geha, haen amuppa, ahilkad grep dad oh nauhkkulag. Muɗi grep dad ahilkad anen anenppa, ahilkad muɗi grep 1,000 ele, ahilag nob am 11.5 kilogram silwa elele, amge dad amu ohppa uud keeke qaun ele, keeke amu bena, dad ena amu oh teguadkkulag.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Esekiel 27:17

Amu oh ag anam heegeg, Juda, Israel ele ag nahip keeke aoglagnu dabmenana, ag aben aɗit onilah Minit, Panag ele, appa ag wit ebatteb amu, ag wit amuppanu, uppuh leppu, goɗen, marasin ele aon uɗin, nahip keeke aoglagnu, amuppa ag daden meppig.

Hosea 2:22

Anam amu, wan nug ee, grep meu, amu olip ad ele heeb, meu okkulag. Meu obeppeg, danab ah dahilad ag eenu elelenab daaglag.

Hosea 2:8

Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Habakuk 3:17

Uug naunab inam ana bekkutai. Ad fig nug haɗag iitai doma. Muɗi grep meu iitai okku. Olip ad amu, amuppa meu iitai daakku. Ee dattanu ele meu iitai oma. Sipsip laa aɗppa iitai daama, Makau ele aɗppa iitai daama.

Namba 13:23

Haen ag gona, oolnu noak aben laa onig Eskol, ag appa wana amu, ag muɗi grep eppegppanu grep meu aɗa auta awak laippu laa dayom amu anidna, okkulna aoppig. Danab aɗit tuqaippa maopiɗ. Ikki danab ag ad pomigranet, amu ad fig meu laala ele tuqappig.

Jon 6:13

Nug a, ag ee big qagmena, kaleg 12 inaeg ambeum. Amuam bali bret tanig ele, danab laeg, oolag dittie uuppig, amu inappig.

Jon 6:9

“Nid danab laa iikku daatte, nug am bali bret kunum tanig ele, amu kakai aɗit ele. Amge amuam keeke nagnag, danab am huanak,” awa aum.

Duteronomi 32:13

Yawe he, ag qauko attan, wan oh ele aoppig. Ao, Yawe he, ag dattan keeke aon lappig. Nug he, ag uppuh leppu aben men eleppan aon lappig. Yo, Nug he, ag olip goɗen, ad wan men eleppa beppig amu, amuppanu aon lappig.

Duteronomi 32:14

Nug he, makau, meeme ele ag lanaknu huh huanak ele daappig. Ao, Nug he, sipsip nakkud ittag ele, amu meeme ele ag ena meegeg, lanaknu teppulkad ena ele daappig. Yawe Nug Israel danab ah sipsip dawai enanagnab Basannu, Nug amu ele mattom. Ge, Nug ag wit ena ele mattom. Nug ag amu matte, Nug he, grep ahilkad meu ena oegeg, ag wain enanag lappig.

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

Duteronomi 8:7

Ag anam hekkulagnu diig am, Yawe, ahilag Kayak, Nug ag diia, wan ena, lenag naunau ele, le ameg ena ele, oolnu noakppa, qaukoppa ele le wan ooppan qeppuɗin bettebppa diia gotte.

Duteronomi 8:9

Wan amuppa ee huanaknab daatteb, tutu maknu laa iitta. Wan amuppa aen ele menppa daatte, kapa ele qauko nakokppa daatte.