Duteronomi 8:7 - Nobonob Baibel

⁷ Ag anam hekkulagnu diig am, Yawe, ahilag Kayak, Nug ag diia, wan ena, lenag naunau ele, le ameg ena ele, oolnu noakppa, qaukoppa ele le wan ooppan qeppuɗin bettebppa diia gotte.

Duteronomi 8:7 ပူးပေါင်းရင်းမြစ်များ

Genesis 49:11

Juda nug keeke kuɗum ele amunu, nug danab nug donki nuhig muɗi grep diigppa qakkalo, nug amubia hekku. Ao, nug danab nug donki nag nuhig muɗi grep enanagnab, amuppa qakkalo, nug anambia hekku. Danab nug keeke kuɗum ele, wainnu am keeke hamu bia doya, lamen elab aguppa ihalo, Juda nug anam daakku. Ao, danab nug keeke kuɗum ele, lamen nuhig grep lebuppa ihalo, nug amubia daakku.

2 King 18:32

Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia amu, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag. Wan amuppa bret, grep dad ele elele daatteb. Ao, wan amuppa olip ad ag beegeg, uppuh leppu ele daatte. Ag bau dayak tituaneg! Ag mauhak aib tituanppig! Ag Hesekaia atte amu, ag aib dooppig. Aɗinu? Nug atte. “Yawe Nug ehanikkeb, ig Asiria dilag king eppegppa ii daamta,” awa atte,

Sam 104:10

Yawe Nug he, le qeppuɗin bena, oolnu noakppa notteb. Ao, lenag qauko gamag gamag, bai heqoppa madmad gotteb.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Aisaia 5:1

Gemu da ahi laa mapitten edakkulnu hettem. Ahi imuam da layal, nuhig muɗi grep dadnu ele dilah kaya. Qauko nakok laappa wan laih ittag ele amuppa amu, da layal nug muɗi grep dad nuhig heum.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Esekiel 17:5

Ai igel amu nug amu haaha, nug ag Israel, ahilag wanppanu muɗi aeg laa ele awa, ⌊danab amu dilag wanppa⌋ wan ittag eleppa eppom. Danab nug ad wilo le daugppa ebatte, anam nug aben le eleleppanab muɗi aeg amu eppom.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Duteronomi 8:6

Ag Yawe, ahilalag Kayak, ag haknunab anak nai nuhig dim lamitteg! Ag ib oiglagnu aum, ag amuppa oinna, ag nuhignu ebehilag oh bodoetta le maɗ!

Duteronomi 8:8

Wan amuppa wit, bali, grep muɗi, ad fig, pomigranet, olip ad, amu uppuh leppu kuɗum ele daatteb.

Ikki Danab 18:10

Haen ag appa wana amu, ag danab appa daatteb ele ag uug laa ahilagppa bekkunu ii dabmetteb anadkkulag. Kayak Nug ig wan okkai ittag ele mekkom. Keeke laanu tutu iinab memata!” aon appig.