Duteronomi 8:6 - Nobonob Baibel

⁶ Ag Yawe, ahilalag Kayak, ag haknunab anak nai nuhig dim lamitteg! Ag ib oiglagnu aum, ag amuppa oinna, ag nuhignu ebehilag oh bodoetta le maɗ!

Duteronomi 8:6 ပူးပေါင်းရင်းမြစ်များ

2 Stori 6:31

Aɗi diignu da na anam hekkutnu oɗ medattem am, nahipad danab ah ig, ig wan na ig mamenkad aɗi mattame ele, ig amuppa bau daatta, ig haen amu ohppa nahipnu ebehinig oh bodoetta le meebeb, ig nahip ɗo, nahip hak ele dim lamidta oignig.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Eksodas 18:20

Na Kayaknu ɗo iɗu iɗu ag ippunadnana, na Kayak ippu ele tutukku ag ippunadnana, na ag Kayak noobppa aɗi aɗi hekkulagnu daatteb amu, na amu ele ippunadkkut.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Duteronomi 8:7

Ag anam hekkulagnu diig am, Yawe, ahilag Kayak, Nug ag diia, wan ena, lenag naunau ele, le ameg ena ele, oolnu noakppa, qaukoppa ele le wan ooppan qeppuɗin bettebppa diia gotte.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!