Duteronomi 8:5 - Nobonob Baibel

⁵ Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Duteronomi 8:5 ပူးပေါင်းရင်းမြစ်များ

2 Samuel 7:14

Da nug mameg daakkul; nug da bekkal daakku. Nug eheɗ heeb amu, da heppi, laa ag bu mettaglag. Da heppi, ag mataɗak nau nug mettaglag.

Sam 89:32

da ag bu okkai ag hipunin heppignu madakkul. Ao, ag hipunin heppignu, da bu okkai ag madakkul.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Prowerb 13:24

Laa nug nid naunau nuhikkud, nug eheɗ hak ahilagnu toliatta, bu ii madatte amu, nug danab nug laanu nau ninig ele dootte, nug ahilagnu anambia hette; amge laa nug nid naunau nuhikkud dilagnu oo mauhtte amu, nug ag toliatta, bu mattak ii uutte.

Prowerb 3:11

O Nid dahil, Yawe Nug na ena bekkutnu tolitta, bu nitteb amu, na amunu ootppa uuaknab aib doome. Ge, Nug na ena bekkutnu daut bateb amu, na nuhignu aib eheɗ doome. Aɗinu? Yawe Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, danab nug bekkanu enanagnab dootte ele, nug nug ena bekkunu tolitta bu medatte, amubia Yawe Nug danab amunu hette.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Esekiel 12:3

Ag anam daatteb amunu, O danab bekka, danab ah amu ag uug naunab genab bekkunu daatte dooglagnu, na wan laappa gona, wan amuppa diia ukka laih me dayak danab dayaknu ⌊ippu hena⌋, na amunppa keeke na gona, appa daakkutnu aon gokkut ele battamppa inan, danab ah amu, ag na anidppeppeg, na daattemppanu ahan, na laih gokkut. Na anam heppe, ag dooglagtai, o iitta. Aɗinu? Ag am nai tappe nak danab ah daatteb.

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

Duteronomi 1:31

Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Duteronomi 8:6

Ag Yawe, ahilalag Kayak, ag haknunab anak nai nuhig dim lamitteg! Ag ib oiglagnu aum, ag amuppa oinna, ag nuhignu ebehilag oh bodoetta le maɗ!

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!