Duteronomi 8:2 - Nobonob Baibel

² Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Duteronomi 8:2 ပူးပေါင်းရင်းမြစ်များ

Genesis 22:1

Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

2 Stori 32:31

Amu haen Babilon dilag king nug danab laala ag gona, Kayak Nug keeke laa danab hekkunu elele iitta heeb, Hesekaia nug eɗua ena daakkunu at laa matu mettomnu oɗmak hekkulagnu matte goppig amu, ag Jerusalem tena, Hesekaia anidnana, ag nug Kayak dabmettaknu kobol danab haknu elele iitta Yawe Nug Hesekaianu ha mettom amu, ag nug amunu oɗ medappig. Ag oɗ mettaeg, Yawe Nug Hesekaianu diig tutukku dookkunu Hesekaia ma anttak metta uuitte, ⌊Hesekaia nug danab amu amelagppa nuhig dabmakppanu nai madippig⌋.

2 Stori 33:12

Ag aon gona meeg dayaya, uug nau doya, nug Yawe, nuhig Kayak amu, nug Nug noobppa nug nukka nug onig qe naknab he, nug Kayak, nug mamekkud aɗi dilag Kayak Nug nuhignu ii helo bia me, Nug ehanidkkunu unuqittom.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

Nehemaia 9:19

Kayak, na nahipad danab ah dilagnu oo bodoetta le mak kobol dim lamidna, atu taɗakppa danab ah amu uuatte, hamu ii oippig. Amunppa na hee, lombig teppu ele attan takppa ag ib ippuanattette, tuqan aab ewak okkai attan tak ib atten aon gokkulagnu ippuanattom.

Job 33:17

Kayak Nug danab ag eheɗ hak ahilag tuɗidna hemananu, ag dada danab bena oimnanu,

Sam 103:2

Da Yawe onig humeme, da Nug aɗi ena dahilppa heum, da amunu ii daul atima.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Sam 136:16

⌊Ig Yawe,⌋ Nug danab ah nuhig omalatte, atu taɗakppa wana goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 77:11

Da Yawe keeke oh heumnu dabmekkul. Ao, O Yawe, da nahip hak danab laa hekkunu elele iitta anukka na heme amu, da amunu dabmekkul.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Eksodas 15:25

Ag anam heeg, Moses nug Yawe ɠagattag unuqitte, amu Yawe ad laa ippunittom. Ippunitte, Moses nug ad amu awa, leppa mawe no, le amu aakku lanaknu baag elele ba, ena dayom. Amu aben amuppa Yawe Nug Israel aɗi ag ma anttak madatta, Nug ɗo laa ele ag mattom.

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Eksodas 20:20

Ag anam appig, amge Moses nug ag amelagppa aum. “Iitta! Ag aib baɗappig. Aɗinu? Kayak Nug ag nuhig nai tabappeg nemanu hette. Ag nuhig ɠagattag okkai huanak ele anidna, ag nuhignu ebehilag oh bodoetta le meeb, ag hipunin ii hemananu, nug nuhig ɠagattag okkai huanak ele ippunadtte,” awa aum.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Namba 14:33

Ag da, Yawe, ag da ippunadmi bia da dim lamiɗkkulagnu uun heppig amunu, diig amunu ag bekkalkad geha atu taɗakppa mauhnoak maɗ 40 oiglag. Ag geha anam oippeg ukkeb, ag laa oh mauhadkkulag.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Jon 2:25

Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!

Duteronomi 1:3

Israel ag qauko Sinainu ahan, maɗ 40 uue, kalam 11ppa, deɗ digmakppa ag Jodan le laih kaɗag uɗitteppanu daaegeg, Moses nug digma, keeke imu oh ag amelagppa mattie dooppig. Keeke oh Yawe nug amelagppa akkununab amegppa aum amu, nug ag amelagppa mattiom.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 29:5

Amu Yawe Nug atte. “Maɗ 40 oh da, Yawe, da ag omalatti, atu taɗakppa oimut. Ag oiyegeg, ag ahilkad lamen, baelkad gaɗa ele ii nauhppig.

Duteronomi 32:7

Anukka haennu daulagppa doaɗ! Ao, anukkan menuattak huu laippu bia anen anen dilagnu daulagppa do, ag dabmetteg! Ag mamelkad oɗ madappeg, Kayak Nug aɗi heumnu madippeg doyeg! Yo, ag ikki danab ahilkad oɗ madappeg, ag madippeg doyeg!

Duteronomi 7:18

Amge ag ahilagnu aib baɗappig! Yawe, ahilag Kayak, Nug Paro, amu Isip wan ohppa ele dilagppa heum amu, hak amu ag daulagppa doaɗ!

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Jems 1:3

Aɗinu? Ag dootteb. Ahilag ooppa genab doyak uugppa ma anttak aotte haenppa, uug doyaya eɗittaknuib dabmak awak kobol, nug ena mekkunu ib oɗeppa daatte.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Ikki Danab 2:22

Yawe anam ha, amu Kanan danab, amu dilagppa, Nug he, Israel ag, ag mamelkad aɗi ag Yawe oɗe dim lamidna, nuhig ib genab dim lamidppig, ag amubia hekkulagte, o iittate ma anttak mattom.

Ikki Danab 3:4

Yawe Nug ahilagppa heeb, Israel ag Yawenu haknunab anak, Nug Moses mette, ag mamelkad aɗi mattom amu, ag ɗo amu dim lamidkkulagte, o dim ii lamidkkulagte anidkkunu anam heum.