Duteronomi 8:1 - Nobonob Baibel

¹ Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

Duteronomi 8:1 ပူးပေါင်းရင်းမြစ်များ

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.