Duteronomi 7:5 - Nobonob Baibel

⁵ Amunu, ag Israel, ag danab ah appa daatteb, ag amu dilagppa inam hekkulag. Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg naɗ! Ag amu hena, ag ahilag kayak hambuppuak dottolag ele manadppeg eweg!

Duteronomi 7:5 ပူးပေါင်းရင်းမြစ်များ

2 King 10:26

Ag appa nona, ag Bal laug ooppanu biidod, danab ag amu binag metteb ele amu, ag amu aon, dimittim gona, manaeg ewom.

1 Stori 14:12

Dawit aɗi ag Pilistia eɗatteg, ag kayak hambuppuak dottolkad ahilkad uuadna ooleg, Dawit aɗi ag uɗin manatteg eoppig.

2 Stori 14:3

Nug atu laihnu kayak hambuppuak dilag qaɗab loppaɗatta, nug aabaabppanu mettid lag nakok loppaɗatta, nug men gappi he aoɗatteg, nug kayak hambuppuak Aserah dabmekkulagnu biidod ele okkulattom.

Eksodas 23:24

Ag amu dilag kayak hambuppuak noolagppa aib dup nona binalag meppig. Ag kayak hambuppuaknu dabmak ele aib dim lamidppig. Ag kayak hambuppuak dottolkad aoɗna, maduduɗadna, heppeg nauhppeg, men gappi ele heppeg nauheg!

Eksodas 32:20

Moses nug anam hewowa, nug makau gaiɗ dottog ag heppig ele aab aɗuppa mana awa, aoɗa maduduɗe, kalu ne, nug kalu amu le qaɗeppa gokkaɗe noa, le attan qaɗeppa teppu iitta dayeye, Moses nug he, Israel ag le amu lappig.

Eksodas 34:13

Ag nug tituanak ag ele ii hemana. Iitta! Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg neig!

Aisaia 17:8

Haen amuppa danab ag geha kayak hambuppuaknu qaɗab ag eppelagppa heppig ele, ag amuppa ehanittak aoglagnu dab-ii-memana. Ao, ag baula kayak hambuppuak Aserah dabmekkulagnu biidod eppelagppa hena, qaɗab kalu danab ile muttuɗig enanag bette ele amuppa main, kayak hambuppuak Aserah mettaglagnu eppelagppa ele heppig amu, ag baula amuppa ehanittak aoglagnu iinab dabmemana. Iitta.

Lewitikas 26:1

Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Duteronomi 16:21

Ag kayak hambuppuak Aserah dabmekkulagnu biidod laa aon, ag Yawe, ahilag Kayak, ag aib nuhig qaɗab heqoppa qabappig.

Duteronomi 16:22

Ag men gappi laa aib qabappig. Yawe, ahilag Kayak, Nug keeke amu ohnu nau ninig ele dootte amunu, ag aib anam heppig.

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

Duteronomi 9:21

Am ag golppa makau gaiɗ dottog hena, nug noobppa dup nona binag mak kobol heppig amunu, ag aakku hipunin qeppig. Da ag makau gaiɗ dottog heppig amu awe, aab aɗuppa manen awen, aoɗe maduduɗi, kalu ne, da kalu amu awe, le qaukoppan nette, da amuppa gokkaɗi noum.