Duteronomi 7:2 - Nobonob Baibel

² Yawe, ahilag Kayak, haen Nug danab amu diia, ag eppelagppa meeb, ag eɗadkkulag amu, ag heppeg, ag Yawenuib nuhig pelemppa daaglagoitte! Ag aib danab amu ele layam batan daaglagnu nug tituanna, ahilagnu oolag gai-iitta doon, oolag mattan ehanadppig.

Duteronomi 7:2 ပူးပေါင်းရင်းမြစ်များ

Genesis 14:20

Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

2 Samuel 21:2

Gibeon danab ag am Israel danab iitta. Ag Amo danab, Israel ag ii aqadmananu nai ɠagattag qena appig, amu Saul nug Israel, Juda ele dilagnu, agib daaglagnu yag-nab-bak doya, nug Gibeon danab ah aqom. Aqom, amge ohnab ii aqom. Amu daye, Yawe Nug Dawit amegppa amunu a, King Dawit Gibeon danab laa ag uɗippeg, nai mattiglagnu onilagppa eum.

1 King 20:34

Aria, Benhadat nug Ahapnu bannu karis attan ta, nug Ahap amegppa inam aum. “Da mamel nug anukka ban haaha, nug na mamennu aab okkai awom amu, geha da aab amu oh eɗue, na medakkul. Laa ele, na keeke meeb, daden maknu aben digdig ele Damaskus, aab okkai amuppa heppe bekkulag. Da mamel anukka nug Samaria aab okkaippa he dayom, amubia na hekkut,” awa aum. Nug anam a, aria Ahap nug Benhadat amegppa aum. “Na anam hekkutnu genab da amelppa attem dayeb amu, da na ele i nug tituanɗa, nai qakkoɗa, amuppa da heppi, na eɗun aon nahip-ppa gokkut,” awa aum. Anam amu, aa nug tituanya nai qagapiɗ. Aa nug tituanya, nai qakkoya, Ahap paɗe, nug ukkom.

Esra 10:3

Anam amunu, dahil naɗi, na laa ele ag na hettem bia, ag Kayaknu ɗonu ebehilag oh bodoetta le mette ele amu, na, ag ele oh, ag ulum nai aɗi laa ig megappeg, ig amu dim lamidta, ig ah laihnu diimut ele, ig ag, ahilkad nid ele apput, ag gokkulagnu, ig, na, nahipad ehanittak amu ele, ig ihinig Kayak noobppa nug tituanta nai qagatu! Ɗo ippunigtte bia ig hetu!

Sam 106:34

Yawe Nug Israel ag danab ag aabaab Kanan wanppa daappig hadappeg nauhkkulagnu, haknunab nai aum, amge ag anam ii heppig.

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Namba 21:2

Anam daye, Israel ag Yawe amegppa, genabnab hekkulagnu nai inam anan qagappig. “Na danab imu ig eppenigppa maadppe, ig geha ahilkad aab okkai amu diit hepput, ag nahipnuib, nahip pelemppa daaglag,” aon appig.

Namba 31:17

Anam be, ag aakku gona, Midian danab okkai oh aakku aqan malappig, amge gemu amu, ag nid naunau, nid danab daatteb, aria ah aun aɗi ag danab ele niippig ele amu, ag ag oh ele aqeg!

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Duteronomi 13:8

Amu laa nug uɗia, anam akku dayeb, na aib nuhig dabmak dim lamidna anam heme. Na aib oɗe doome. Am nuhignu oo gai-iitta doya oo metta ehanittak kobol ele aib heme. Nuhig guppiɗ aib daame. Nug mauhmanu aib ehanidme.

Duteronomi 13:9

Na heppe mauhkkuoitte! Na aakku nug mauhkkunu digmena geɗittak hena, men eppe ukkeb, aria danab laa oh ag tuɗidna henan malaglagoitte.

Duteronomi 19:13

Ag aib qe mauhak danab amu, nuhignu oolag doyom! Ag danab qe mauhaknu aab ele, nug ag oolagppa daamanu heppeg, aib dayom! Oiyak ahilag ena bekkunu amu, ag anam heig!

Duteronomi 2:33

amge Yawe, ihinig Kayak, Nug nug awa, ig eppenigppa me, ig nug, nug bekkod, am nuhig ban daup oh ele hattaut nauhppig.

Duteronomi 2:34

Ig nuhig aab oh aota heut, aab amu, danab, ah, nid naunau ohnab ele ag Yawenuib nuhig pelemppa daappig. Danab, o ah, o nid laa anam ii daakkunu ii dayom.

Duteronomi 23:14

Haen tutu dayaknu aab kalak am Yawenu tituanak daakkuoitte. Amunu diig am, Yawe, ahilag Kayak, Nug haen tutu dayaknu aab kalakppa eɗua ona, eɗua doawa, atognoattatta, ahilkad kekeɗ ippulag oo nekkuoitte amunu, Nug keeke eheɗ antta, dimattamade, ag anam heig!

Duteronomi 25:12

ag ah amu eppeg okkulna aoglagoitte. Ag ah amunu oo gai-iitta doya oo metta ehanittak kobol dim lamidna, aib heppig.

Duteronomi 3:3

Yawe, ihinig Kayak, Nug Og, Basan dilag king, nuhikkud danab ah oh ele diia, ig eppenigppa me, ig ag ohnab aqaut mauhppig. Ig laippu laa ii uuittut dayom.

Duteronomi 31:5

Yawe Nug danab ah wan amuppa daatteb ag eppelagppa maatteb, amu ag da haknunab anak nai ahilagnu ami bia ahilagppa hekkulag.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Josua 10:30

Appa ele, Yawe Nug Israel ehanatta, Nug aab amu, am nuhig king ele ag eppelagppa meum. Josua, nuhikkud danab ele ag qep elabppa aab amu qeppig. Nug danab laippu laa ii tippalom. Josua nug Jerikonu kingppa heum bia, Lipnanu kingppa heum.

Josua 10:32

Ag ban heeg, Yawe Nug Israel ehanatta, Lakis diia, ag eppelagppa meum. Deɗ ag ban digmeppigppa amu, Nug ii heum. Iitta. Deɗ ebqak aɗitppa Nug ag eppelagppa meum. Yawe Nug ag eppelagppa me, ag qep-ppa danab ah oh aqappig. Josua nug Lipna dilag heum bia, Lakis dilagppa ele anam heum.

Josua 10:40

Anam daye, Josua nug aakku wan atu amu oh nug awom. King amu, danab ah ele Israel ag eɗadppig, ag ahilag wanppa daappig, wan atu amuam Negeb, wan qauko qauko ele, qauko nakok qauko okkai diigppa daatteb, qauko nakok amuam Kanan wan ooppa qaban uɗitteppanu daatteb, amu qauko okkai heqoppan ele. Nug he, wan amuppan danab ah oh am Yawenuib nuhig pelemppa daappig. Nug laippu laa uue, ii dayom. Yawe, Israel dilag Kayak, Nug anam hekkununab aum amunu, nug heum.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Josua 11:8

Yawe Nug Israel ehanatta, kekeɗ ban daup amu diia, ag eppelagppa meum. Israel ag kekeɗ lamadna gona, Saidon Anuqak, appa, amu Misrepot Maim appa wana, ag lamadna gona ele, Mispa, ban digmeppigppanu kaɗag uɗitteppanu daatte amu, ag appanu oolnu noakppa wappig. Ag tuɗidna lamadnana aqaegeg ukke, laippu laa bau ii dayom.

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Josua 21:44

Amu Yawe Nug he, Israel dilag kekeɗ ag nakok laa heeg, Israel ag ii baɗadna, ag maɗoɗ, ena daappig. Yawe Nug ag mamelkad aɗi amelagppa Nug anamnab hekkunu nuhig nai ɠagattag qetta aum amu, Nug amu bianab heum. Yawe Nug Israel ehanattom amunu, ahilkad kekeɗ laa ag Israel ele ban hena, eɗadkkulagnu elele iitta daappig.

Josua 8:24

Israel danab ag aab dimittim danab Ainu oh, laa ag dad okkaippa daappig, laa ag lamatteg, atu taɗakppa oolna goppig ele amu, Israel ag danab amu ohnab aqan malona, ag eɗun nona, aab ooppa daappig oh aqappig.

Josua 9:24

Josua nug anam a amu, Gibeon ag nob mena appig. “Ig, nahipad maɗi nid maɗi ah ele amu, ig anam hemutnu diig am, Yawe, ahilag Kayak, Nug nuhig maɗi nid Moses amegppa, nug wan imu oh ag matteb, wan imuppan danab ah ele oh heeb, padal mekkulagnu haknunab nai aum amu, ig amu doomut amunu, ig anam hemut. Ig bau dayak ihinignu dabmeta, ag baɗadta, ig anam hemut.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Ikki Danab 1:24

lokkumakppa atu italak danab ag danab laa aab okkaippanu dimittim uɗiyeye anidna, ag nug amegppa appig. “Na aab okkai imu ooppa noaknu ib ippunigppe amu, ig nahipnu oo bodoettak doot, na ehanidpput, nahip-ppa eheɗ laa ii bema,” aon appig.

Ikki Danab 1:4

Haen Juda danab ag banelag goppig amu, Yawe Nug he, Kanan danab, amu Peres danab ele Juda eppelagppa daaegeg, Juda ag aab Besek guguittak appa kekeɗnu ban danab 10,000 aqappig.

Ikki Danab 2:2

Am ahilagnu amu, ag danab ah wan imuppa daatteb ele, ag ag ele nug tituana nai qakkak ii hemana. Iitta. Ag amu dilag qaɗab loppaɗadkkulag,’ awe ami. Amge ag da oɗel ii dim lamidppig. Aɗinu ag anam heppig?