Duteronomi 7:14 - Nobonob Baibel

¹⁴ Ag itittak enanag, laa oh dilag eɗittak ele wanppa daaglag. Danab, o ah laippu laa nid iitta laa ii daama, ahilkad doɗ oh geha nalkad menuadkkulag.

Duteronomi 7:14 ပူးပေါင်းရင်းမြစ်များ

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Sam 115:15

Yawe, Nug hab, wan ele heum amu, Nug ag itadkkunu ool daatte.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.

Namba 22:12

Balam nug anam Kayak amegppa aum, amge Kayak Nug eɗua Balam amegppa aum. “Na aib ag dim lamadme. Danab huanaknab Moap wan daugppa daatteb amu, da ag itittak ena mattamide amunu, na aib ag eheɗ laa awaknu anak waappa daaglagnu ame!” awa aum.

Duteronomi 28:11

Yawe Nug ag wan madakkunu ag mamelkad aɗi amelagppa anam hekkunu nuhig nai ɠagattag qetta aum, amuppa keeke ena ena ma madakku. Amuam nid naunau kuɗum, doɗ manan kuɗum, amu keh iɗu iɗu kuɗum ele madakku.

Duteronomi 28:4

Yawe Nug itittak ena matteb, ag nid kuɗum ele daan, ahilkad dad ele, am ee okkai okkulag. Yawe Nug heeb, ahilkad makau huana menuadppeg, sipsip meeme ele am anamib ele daaglag.

Duteronomi 30:9

Ag anam heppeg, Yawe, ahilag Kayak, Nug enanagnab doya heeb, ag aɗi uɗat digdig hekkulag am enaib bekku. Ag appatppeg, ahilkad nid naunau kuɗumnab daaglag. Ahilkad makau ele appatkkulag. Datta ee ebatteb, amu ele meu huanak okku. Aɗinu? Nug ag mamelkad aɗi dilagnu oo enanagnab doyom, amubia Nug baula ahilagnu enanagnab doya heeb, ag ee keeke, elelenab daaglag.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.