Duteronomi 6:9 - Nobonob Baibel

⁹ Ag laulkad odnu ad ukku aɗit laih laih daattep-ppa yaan, amu aɗnu odppa ele yaaglag.

Duteronomi 6:9 ပူးပေါင်းရင်းမြစ်များ

Eksodas 12:7

Ag aqadna amu, aria ag anen anen, ag doɗ tiig amu aon, lag ag daanna, doɗ lakkulagnu hetteb ele amu, ag lag amunu odnu ad ukku aɗit laih laih daattep, aria ukku attan emaitak daatte, amuppa ele ag doɗ tiig amu aon laaidkkulag.

Aisaia 30:8

Yawe Nug da ⌊nuhig nai Juda dilagnu⌋ yaappi dayebeb, gemu, hanhan ele nai amuam Yawenu dabmak ippunattatta daakkunu da amelppa aum. “Na ahan, uɗugppa ye! Ao, na buk itoɗiakppa ye!” awa aum.

Aisaia 57:8

Ag kayak hambuppuak ahilkad dilag at ag laulkad ooppa, od ukku ele ouqena dimugppa meppig. Aɗinu? Ag da uuiɗppig. Ag ah laa nug gamu uuitta ukka, danab laa ele oittep, ag amubia da uuiɗna, ag kayak hambuppuak ahilkad noolagppa dup nona binalag metteb. Ag ah laa, nug danab laala, gamud iitta, nug ag ele niiglagnu oo huana he, amu hekkunu babaitta auta autanab awa, danab digdig ele ag uɗin, nug ele niiglagnu nai qakka, danab amu beɗu miagib daya anadtte, amubia ag ahilkad kayak hambuppuak noobppa dup nona binag metteb.

Habakuk 2:2

Da anam ai, Yawe Nug da oɗelppa awa, da amelppa inam aum. “Da keeke laa ippunidppi, na miagib ye! Ao, laa nug amu awa ukka, laa amelagppa ebqeeb dooglagnu na miag atiak ye!

Duteronomi 11:18

Anam amunu, ag nai dahil imu aɗan autnanab aweg! Ag eɗun dabmekkulagnu, ag eppelkadppa at dayaknu qakkaladppeg daaglag. Ag hanhan anidkkulagnu, ag uɗalkadppa qata-aqadkkulag.

Duteronomi 11:20

Ag laulkad odnu ad ukku aɗit laih laih daattep, amu aɗ odppa ele yaappeg daaglag.