Duteronomi 6:7 - Nobonob Baibel

⁷ Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Duteronomi 6:7 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Job 8:10

Na ig memetankad dilag nai dabmekkut dayeb amu, na appanu ippunittak iite aomna? Ge, na ig memetankad dilag doyak okkai dabmekkut dayeb amu, na nai amuppanu diignu doyak tutukku iite aomna?

Sam 119:13

Nahip ɗonu ig amenigppa ame amu, da laa dilagppa mehuqttem.

Sam 119:46

Da nahip ɗonu king amelagppa abippi, ag heppeg, da uɗal ii nema.

Sam 129:8

Amu danab ah laa ag oinna, ag laa ag Sionnu nau ninig ele dootteb, ag ag qe-eɗadna wanana, ag nai imu aib madippig. “Yawe Nug ag itittak ena madakkunu oonig hette. Ge, ig ag Yawe onigppa itittak ena madattem.” Ag anam aib appig.

Sam 37:30

Genab tutukku hak danab ag doyak dabmak ena elenu nai maditteb. Yo, ag aɗi kobol nai doya mala hettoɗia epeɗia elele mettak kobol dim lamidtteb ele, ag amunu dabmena maditteb.

Sam 71:17

O Kayak, na da nid nakoknab daaiyi uɗie, gemu ele na dahil ippunittak daame, amu da hanhan laa amelagppa keeke ena ena na hemenu mattien, gemu ⌊nai imu yaak haenppa⌋ ele madittem.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 6:22

Haen na adeppa adeppa oikkut amu, ihinih nai am ulum medakku. Ao, haen na niikkut amu, nai amu na atognoidkku. Ge, haen na eɗun ahakkut amu, nai amu na aɗi aɗi hekkutnu ippunidkku.

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Luk 6:45

Am danab ena, nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. Aɗinu? Danab nug ooppa aɗi dabmak ambak niitte, amuib amu oɗeppa ele maditte.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Duteronomi 11:19

Ag nid ahilkad ippuanatteg! Ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

Rut 2:12

Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

Rut 2:4

Rut nug bali agekke, haen ukke amu, Boas nug Betlehem appanu aha, datta uɗia, maɗi nid humatta, ag amelagppa aum. “Yawe Nug ag ele daaglagnu ool daatte,” awa aum. A amu, ag eɗun appig. “Yawe Nug na ele itidkkunu oonig daatte,” aon appig

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.