Duteronomi 5:11 - Nobonob Baibel

¹¹ Da am Yawe, nahip Kayak. Na da onil hamu aib diime. Aɗinu? Da danab, o ah aun nug da onil hamu diitte ele, da nug bu medakkul.

Duteronomi 5:11 ပူးပေါင်းရင်းမြစ်များ

Sam 139:20

O Kayak, danab ag laa aqatteb ele, ag nahipnu nai nau digdig atteb. Ao, nahipad kekeɗ ag nau henan, ag na onin diin, nai nau ele ouaqadna maditteb.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Hosea 4:2

Ag ahilag wanppa nai ɠagattag qetta mattiowa, nai amu ii dim lamittak kobol, hambuppuak kobol, laa qe mauhak kobol, yabhok kobol amu ewau pakkua gappai hak kobol ele ambak daatteb. Ag ɗo waappa iinab daatteb. Ag laa makkuɗona, haen elab iitta, laa ele makkuɗtteb.

Lewitikas 19:12

Am keeke laa genab iitta dayeb amu, ag aib da onil diin, nai ɠagattag qettan, keeke amunu, ‘Am genabnab,’ aon appig. Ag anam hekkulag dayeb amu, ag heppeg, da, ahilag Kayak, ag da onil laa dilag neekkakppa heppeg, nauhak daakku. Da am Yawe.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Jems 5:12

Amge O lailad, anuqak amu ag inam hekkulag. Ag aib hab onig o iitta wan onig, o iitta keeke laa onig diina, ahilag nai, nai amuppa ɠagattag qedappig. Iitta. Ag “Iitta,” akkulagnu dayeb am, “Iitta,” akkulag. Am aakku elele. Aria ag, “Yo,” akkulagnu dayeb amu, “Yo,” akkulag. Am aakku elele. Am ag keeke laa onig diin, ag ahilag nai ɠagattag qettan akkulag amu, Kayak Nug geha ag epeɗiatta, nob nau madakku.