Duteronomi 5:10 - Nobonob Baibel

¹⁰ amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da, ag buɗulkad menuattak huu laippu bia 1,000 dimppa bekkulag amu, dahil oo mauhak amu ahilagppa ele daakku.

Duteronomi 5:10 ပူးပေါင်းရင်းမြစ်များ

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Eksodas 34:7

Da danab ah menuattak huu laippu bia tausen kuɗum bekkulagnu daatteb amu, da amu dilag oo mauhaknab kobol dahil dim lamidppi anidkkulag. Da nau hak, nai tappe nak, hipunin hak ele uhuqttem, amge da danab beɗulagppa aab ele amu, da ag bu madattem. Da ag bu aqatti ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte,” awa aum.

Jeremaia 32:18

Na nahip oo mauhaknab kobol dim lamidnana, buɗub buɗub doobob tausen gane batak ehanadttem, amge na danab hipunin hetteb ele bu aqatte ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte. O Kayak, na onin okkai ele, na ɠagattag ele, na onin am Yawe Nakka Ɠagattag Oh Ele.

Daniel 9:4

Da Yawe, Nug dahil Kayak, da Nug amegppa ig Israel, ig ihinig hipunin miagib mattien, da Nug inam unuqidmi. “O Naɗi, na Kayak ɠagattag ele. Ig danab ah ig nahipnu ebehinig oh bodoetta le mekkunu daattem. Na danab ah ag nahipnu oolag mauhtte, ag nahip ɗo ele dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 7:12

Am ag ɗo imu doon dabmattan, tutukku dim lamidkkulag dayeb, Yawe, ahilag Kayak, Nug ag mamelkad aɗi dilagppa hekkunu nuhig nai ɠagattag qetta aum, amubia Nug he, Nug ag ele nug tituanna nai qagappig amu, Nug ahilagnu oo mauhaknab dookkunu nug tituana nai qakkak nuhig amu aɗa daakku.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Josua 22:5

Ag gona, appa daaglag, amge ag dabmettan autnanab aonna, ag Yawenu maɗi nid Moses, nug haknunab anak, ɗo ele ag mattom amu, ag amu tutukku dim lamitteg! Amuam ag Yawe, ahilag Kayak, ag nuhignu oolag mauheb, ag nuhig kobol oh dim lamidna oinna, nuhig haknunab anak oh ele dim lamidnan, ag Nugib waappa daaglagnu Nug ouqak ele daan, amu ag meulag ohppa, oolag ohppa ele Nug waappa daan, Nug oɗe dim lamitteg!” awa aum.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.