Duteronomi 4:9 - Nobonob Baibel

⁹ Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Duteronomi 4:9 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Eksodas 10:2

Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Prowerb 7:1

Da bekkal, na dahil nai dim lamitte! Ao, na dahil haknunab nai imu nahip dabmakppa meppe dayaɗ!

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Aisaia 42:20

O Israel danab ah, ag keeke kuɗum dooppig, amge ag dooppig ele, ag amunu ii dabmeppig. Yo, ag dooglagnu daulag ele, amge ag da aɗi attem amu, ag dooglagnu uuppig,” awa aum.

Jeremaia 17:21

Yawe Nug inam awa atte. “Ag Sabat deɗppa keeke maon, Jerusalem ooppa gokkulagnu uɗin, aɗnu od attenppa tena, aab ooppa gomananu dabmena autna aweg!

Luk 8:18

Ag nai dahil dootteb ele, ag nai amu dabmenan dayeg! Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte, nug ‘Da iikku aomi, dahilib daakku,’ atte amu, Kayak nug nuhig keeke awom amu eɗua aɗidkku,” awa aum.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Duteronomi 11:19

Ag nid ahilkad ippuanatteg! Ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Duteronomi 12:1

Yawe, ag mamelkad aɗi dilag Kayak, Nug wan ag madatte, ag wan amu aon, amuppa daanna, ɗo iɗu iɗu ag dim lamidkkulagnu daatteb am iikku. Ag wan amuppa daanna amu, ag dim lamittaknu ii uuglagoitte.

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Duteronomi 17:19

Nug ɗo digdig ya awom, amu nuhigppa dayebeb, nug hanhan ebqekkuoitte. Nug Yawe, nuhig Kayak, nug nuhignu ebehi oh bodoetta le mekkunu, nug ɗo oh ɗo nai imuppa daatte doya dim lamidkkunu amu, nug anam hekku.

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.

Duteronomi 31:19

⌊Israel danab ah ag da uuiɗna, ag kayak laala noolagppa dup nona binalag mekkulag.⌋ Amu Moses, Josua ele, da kobol amunu ahi laa aa matattem. Ahi imuam danab nug laa aɗi heehe antta maditte, am dahil danab amubia dayaya, Israel danab ah ag nau heppig miag atiak daakkunu, aa ahi imunu nai yaaya, Israel danab ah ag ettaglagnu ippuanatteɗ.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

Duteronomi 4:10

Anukka, Horep qaukoppa appa Yawe, ahilag Kayak, Nug da amelppa inam aum. “Na danab ah qagmadappe, da nai appi, ag dahil nai dooglagnu, ag doon, ag wanppa bau daatteb, haen amu oh ag dahilnu ebehilag oh bodoetta le mekkunu, ag nid naunau ahilkad dahil ɗo ele ippunadkkulagnu da noolppa dayeg!” Nug da amelppa anam a, da hei, ag Horep qaukoppa Nug noobppa qagmeppig amu, ag deɗ amu aib daulag atiom. Iitta! Ag daulagppa dayaɗ!

Duteronomi 4:15

Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Duteronomi 6:12

ag Yawe daulag atimanu dabmeig! Nug ag Isip, ag appa begbeg maɗi nid daaegeg, Nug appanu diia, omalatte uɗippig.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Duteronomi 6:20

Amu haen laa dimppa nid naunau ahilkad ag oɗ mattan akkulag. “Ɗo iɗu iɗu imu, Yawe, ihinig Kayak, Nug ⌊na madikkutnunab ana, na oɗenppa aakku⌋ ig mekkom ele imu diig am aɗi?” oɗ mattan akkulag.

Duteronomi 6:7

Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 8:14

geha, haen ag keeke amu oh ele, ag oolagppa dada danab bena, Yawe, ahilag Kayak, ag Nug daulag atimanu dabmeig! Nug ag Isipnu diia, omalatte uɗippig. Ao, ag wan laappa begbeg maɗi nid daaegeg, Nug amuppanu diiom.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Jems 2:22

Aria, O na danab dabmak tutukku iitta ele, Abraham heum, amuam inam ippunidtte. Nuhig ooppa genab doyak am nuhig kobol ena ele aa nug ehanittak heyaya, aa oh uɗat laippu heeheh, kobol amuppa nuhig ooppa genab doyak elelenab meum.

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 23:11

Ag Yawe, ahilag Kayak, ag nuhignu oolag mauhkkunu, ag dabmettan autna aweg!

Josua 4:21

Qappalatta amu, nug Israel danab ah amelagppa aum. “Butti aɗi, haen ag buɗulkad ag, ag mamelkad, ‘Men imuam aɗi ippunigtte?’ oɗ madappeg amu,

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

Ikki Danab 3:7

Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.

Ikki Danab 8:34

Ag Yawe, ahilag Kayak, ag Nug ag ehanatta, ahilkad kekeɗ ag taliliattak daappig ele eppelagppanu diiom amu, ag nuhignu daulag atiom.