Duteronomi 4:8 - Nobonob Baibel

⁸ Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!

Duteronomi 4:8 ပူးပေါင်းရင်းမြစ်များ

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Sam 119:138

Nahip ɗo am genab tutukkuib daatteb. Ao, danab nug nahip ɗonu genab elele dookkunu elele.

Sam 119:144

Nahip ɗo am gemu tutukkuib daatte, hanhan anamib daakku. Am da bau daakkulnu amu, na da ehaniɗppe, da diignu doyak tutukku aokkulnu ool daatte.

Sam 119:160

Nahip nai oh amu genabib. Ge, nahip ɗo oh am genab tutukkuib, ag hanhan, alet daaglag.

Sam 119:86

Danab ah ag nahip haknunab anak ohnu am genab elele dooglagnu elele. Ao, am anam amge hipunin hak danab ag diig iittappa da heiɗkkulagnu hetteb amunu, na da atognoiɗkkutnu oɗ medattem.

Sam 119:96

Wanppa amu, keeke laa enaib ii daatte. Keeke ohppa am kaliak laa daatte, amge nahip ɗo am kaliak laa iitta.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Sam 97:2

Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Hosea 8:12

Da dahil ɗo oh ag mattami me, ag ɗo amu ii tonadtte bia hetteb.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.