Duteronomi 4:5 - Nobonob Baibel

⁵ Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 4:5 ပူးပေါင်းရင်းမြစ်များ

Sam 71:17

O Kayak, na da nid nakoknab daaiyi uɗie, gemu ele na dahil ippunittak daame, amu da hanhan laa amelagppa keeke ena ena na hemenu mattien, gemu ⌊nai imu yaak haenppa⌋ ele madittem.

Eksodas 18:20

Na Kayaknu ɗo iɗu iɗu ag ippunadnana, na Kayak ippu ele tutukku ag ippunadnana, na ag Kayak noobppa aɗi aɗi hekkulagnu daatteb amu, na amu ele ippunadkkut.

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

Lewitikas 26:46

Imuam ɗo iɗu iɗu, nai dim lamittaknu nai ele Yawe Nug Israel danab ah dilagnu, Sinai Qaukoppa, Moses eppegppa meum.

Lewitikas 27:34

Yawe Nug ɗo imu oh, Israel ag dim lamidkkulagnunab ana, Sinai Qaukoppa Moses eppegppa meum.

Lewitikas 7:38

Yawe Nug Sinai qaukoppa Moses amegppa haknunab nai amu, Israel ag Sinai atu taɗakppa, ag mana mettak Yawenu aon wakkulagnu mattom.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

1 Korint 11:28

Danab nug nukka epeɗitta anttowa, aria haen amuppa nug ee, wain amu ele lakku.

1 Korint 15:3

Da ippunittak aomi amu da nai amu ag amelagppa mehuqi dooppig. Nai amu inam. Kayak naippa nai daatte amubia Kristus Nug ig oh ihinig hipunin uhuqa megakkunu mauhom.

Duteronomi 11:32

ag ɗo iɗu iɗu oh gemu da ag madattem imu oh tutukku dim lamidkkulagoitte.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Duteronomi 4:4

Amge ag laa oh, ag Yawe, ahilag Kayak, ag oolag Nug mettan, ena haknu ii uuak kobol hena, Nug dim lamidppig ele, ag amu, ag gemu bau daatteb.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 7:11

Amunu da ag ɗo iɗu iɗu imu, haknunab anak nai ele ag dim lamidkkulagnunab ainne, gemu madattem imu, ag amu dim lamitteg!

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.