Duteronomi 4:34 - Nobonob Baibel

³⁴ Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Duteronomi 4:34 ပူးပေါင်းရင်းမြစ်များ

Sam 136:12

⌊Ig Yawe,⌋ Nug nuhig ɠagattag okkai amuppa anam heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 24:8

King Nug binag amahlak oppiaawak ele amu, Nug am aun? Nug am Yawe. Nug ebehi naɗi ele. Nug am Yawe, Nug nuhig kekeɗ oh, ban hak haenppa eɗadtte.

Sam 78:12

Ag mamelkad aɗi ag anttegeg, Nug keeke danab haknu elele iitta kuɗum heum. Ao, uppa Isip wanppa, wan atu onig Soan talilittak, appa Nug keeke danab haknu elele iitta kuɗum heum.

Eksodas 1:9

Amu king amu nug nuhikkud danab ah amelagppa inam aum. “Antte! Israel ag danab ah kuɗum; ɠagattag ahilag amu ihinig ɠagattag eɗidtte.

Eksodas 10:21

Paro nug anam he, dimppa amu Yawe Nug Moses amegppa inam aum. “Gatatu teppu naunab ele Isip tonakkunu amu, na eppen humappe, attan taɗ! Gatatu amuam diig laa; gatatu teppu ele amuam, keeke laa danab nug eppegppa aɗatte, amubia,” awa aum.

Eksodas 10:7

Ukke amu, Paronu ehanittak anuqak danab ag Paro amegppa inam appig. “Danab imu nug nuhig uhui me, ig amuppa nota daattem; amu haen gane laa ele ukkeb, ig amubia ii daamta. Na danab imu paɗadppe gona, Yawe, ahilag Kayak, ag Nug noobppa dup nona binag meig! Na Isip nauhom daatte, na gemu ele amu iite anidttem?” aon appig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 14:30

Amu Yawe Nug deɗ amuppa Israel, Isip eppelagppanu eɗua diie, Israel ag Isip danab mauhadppig amu, langppa niiegeg anadppig.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Eksodas 19:4

‘Da Isip appa keeke oh ehanatte hei, ag anidppig. Amu ai igel anig nug nakkud yuɗ, nug haugppa mawadtte, amubia da ag mawatte omalatte, aben imuppa, dahilppa uɗimi amu, ag amu oh ele aakku anidppig

Eksodas 3:10

amunu ahe! Gemu da na Paro gumidna gona, amegppa appe, nug dahilad danab ah, Israel, nug ag uuatteb, na omaladppe, Isip uun, ⌊wan laa, da ag madakkul, ag amuppa⌋ gokkulagnu, na meitti gottem!” awa aum.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Eksodas 7:3

Nug anam akku, amge da heppi, Paronu dabmak aakku ɠagattag eppeb daakku. Anam dayebeb, da geha dahilnu dabmettaknu kobol danab haknu elele iitta kuɗum, uɗat ɠagattagnab kuɗum laa ele Isip wanppa hekkul.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Jeremaia 21:5

⌊Juda, ag hipunin tuɗid ele henan daatteb amunu,⌋ da oo nauhak, oppoɗi bak huanak ele doyeye, da dakka, da ɠagattag dahil okkaippanab bu huanak madakkul.

Jeremaia 32:21

Na nahip ɠagattag okkaippa, na ebehin eleppa na nahipnu dabmettaknu kobol danab haknu elele iitta, amu uɗat ɠagattagnab ele henana, na Israel danab ah omalatte, ag Isip uun uɗippig. Na amu heehe, Isip danab ag eheɗ nau baɗappig.

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Duteronomi 10:21

Nug am ahilag Kayak, Nug ahilag binag mak aokkunu elelenab daatte. Nug aakkuib he, hak ɠagattag, danab hekkunu elele iitta, danab ah anidna, ebehilag oh bodoetta le mette ele amu, Nug aakkuib amu he, ag anidppig.

Duteronomi 11:2

Ag imu doyeg! Da gemu nid ahilkad amelagppa nai ii madittem. Yawe, ahilag Kayak, Nug ag gemu daatteb imu, Nug ag toliatta, bu mattom amu, ahilkad nid ag amu ii anidna dooppig. Ag gemu daatteb, ag Yawe, Nug am dagom onig ɠagattag ele daatte anidna, ag nuhig ɠagattag, Nug ebehi okkai ele amu, ag amu ele anidppig. Ahilkad nid ag ii anidppig.

Duteronomi 26:8

Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Duteronomi 29:3

Guittak okkainab Isip danab aqom, Kayak dabmettaknu kobol danab haknu elele iitta, aria uɗat ɠagattagnab ele amu, ag amu oh ag amelagppanab Yawe he anidppig.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Duteronomi 34:12

Auntai laa, Moses heumbia kobol laala he, Israel danab ah anttegeg, uɗat laala danab antta, ebehi oh bodoetta le mette ele kuɗum danab ah amelagppa iinab heum. Moses nukka, nugib anam heum.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Duteronomi 6:21

Ag anam oɗ mekkulag amunu, ag inam appeg dooglagoitte. “Ig am Isip uppa Paronu begbeg maɗi nid daamut, amge Yawe Nug nuhig ɠagattag okkaippa Isipnu awikka, omaikka uɗiom.

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.

Duteronomi 9:29

Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.

Josua 24:7

Israel ag da, Yawe, dahilnu huana gaaeg amu, da ag Isip ele gamalagppa gatatu eppami. Amu, ag Le Kokoɗ mataɗana waeg, da hei, yu nug eɗua abenppa wana, Isip oh diie, yu lana mauhadppig. Ag Israel, ag akka amelagppanab da aɗi keeke haen amuppa Isip dilagppa hemi amu, ag aakku anidppig. Amu dimppa amu, ag atu taɗakppa haen elabnab daappig.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!