Duteronomi 4:32 - Nobonob Baibel

³² Ag anukkanabnu uɗiak, gemu batak dabmena antteg! Ge! Kayak Nug danab ah hattom haenppa uɗia, gemu batak, ag haen amu oh dabmenan antteg! Ag anam hewona, ag gona, keeke oh hab waappanu, amu wanppanu ele antteg! Ag amu henana, ag kobol naɗi okkai, Kayak Nug ihinignu heum ele amu, kobol amubia laa haen laappa, o aben laappa beumte, o iittate, ag amu antteg!

Duteronomi 4:32 ပူးပေါင်းရင်းမြစ်များ

Genesis 1:27

Anam amunu, Kayak Nug danab ah, laa am danab, laa am ah, Nug bia haatom.

2 Samuel 7:23

Laa amu, aun aɗi laa ag nahipad danab ah, Israel, ag ag bia daatteb? Laa iitta. O Kayak, na huu laa ag begbeg maɗi nid daaegeg, na ag nahipad daaglagnu na ag begbeg dayaknu qagaiettakppanu eɗua uhuqak hemete? Iitta. Na nahipad danab ah Isip wanppanu dayaknu qagaiettakppanu eɗua uhuqak heme, amuppa na he, danab ah oh ag na onin dootteb. Na kobol okkai naɗi, danab hekkunu elele iitta, danab antta nug ebehi oh bodoetta le mette amu, na amu henana, amuppa na hee, nahipad danab Israel, ag Kanan wan imuppan danab, ahilkad kayak hambuppuak ele lamadppig.

Job 8:8

Na anukkan danab, ig memetankad anukkanu, ag anukka aɗi nai mattiegeg uɗie, gemu ele laa nai amu dootteb ele mattieg doottem amu, na nai amu dabmenana, aɗi ippunigtte doye!

Sam 44:1

O Kayak, ig mamenkad aɗi, ag na anukkanab keeke oh na heme, ag amunu amenigppa mattieg doomut. Yo, ig nai amunu daunigppanab doomut.

Eksodas 34:10

Moses nug anam a, aria Yawe Nug Moses amegppa aum. “Gemu amu, da heppi, da ag Israel ele ig gemu nug tituanta nai qakkagnig hettem. Nahipad danab ah noolagppa da geha uɗat ɠagattagnab, da anukka danab ah huu laa ohppa ii hemi ele amu, da ag noolagppa amu hekkul. Da amu hekkul amunu, danab ah laa, ag ag Israel, ag oolagppa daaglag ele amu, danab ah amu ag geha da, Yawe, ag da ag Israel, da ag ehanadkkulnu keeke okkai okkai digdig, danab amu antta, ebehi oh bodoetta le mette, da uɗat amu hekkul amu, ag geha amu anidkkulag.

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Joel 1:2

Ag ikki danab, ag nai imu doyeg! Yo, ag danab ah Juda wanppa daatteb, ag daulag human doyeg! Ag gemu daatteb ele amu, ahilag haenppa uug imu bia laa beumte? Ao, ag mamelkad aɗi daappig haenppa ele keeke imubia laa beumte? Iitta.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Mak 13:27

Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Duteronomi 30:4

Am ag laih uma umanab diia ukka laih me dayak danab ah daaglagtai, me Yawe, ahilag Kayak, Nug ag qagmatta, eɗua diia uɗikku.

Duteronomi 32:7

Anukka haennu daulagppa doaɗ! Ao, anukkan menuattak huu laippu bia anen anen dilagnu daulagppa do, ag dabmetteg! Ag mamelkad oɗ madappeg, Kayak Nug aɗi heumnu madippeg doyeg! Yo, ag ikki danab ahilkad oɗ madappeg, ag madippeg doyeg!

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Duteronomi 4:7

Diig imunu ag anam mattiglag. Yawe, ihinig Kayak, haen ig Nug unuqittutut amu, Nug ig ele guguikkak daatte, amge wanppan wan laa, wan ɠagattag ele, wan amunu kayak anam ii hette.