Duteronomi 4:30 - Nobonob Baibel

³⁰ Amu butti aɗi haen ag wanppan wan laalappa appa daappeg, uug nau imu oh ahilagppa beeb, ag Yawenu bu mettaknu uug amu waappa daan oippeg, ag geha eɗun, Yawe, ahilag Kayak, ag Nug waappa daappeg, ⌊Nug ag ehanadkku⌋.

Duteronomi 4:30 ပူးပေါင်းရင်းမြစ်များ

Genesis 49:1

Aria, deɗ laa Jakop nug bekkod onilagppa e uɗieg, nug aum. “Dimppa keeke aɗi aɗi ahilagppa bekku amu, ag amu dooglagnu da noolppa qagmeppeg, da appi dooglag.

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Sam 107:13

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, padal ii meppig.

Sam 107:6

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, qagaiettakppa ii daappig.

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Sam 59:16

Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Eksodas 18:8

Noya, Moses nug Yawe, Israel danab ah dilagnu dabmak anuqak awawa he, uug digdig Paro, nuhigppa, Isip danab ah oh ele dilagppa beppig amu, Moses nug amu ohnu nug tana Jetro amegppa mattiom. Nug amunu mattie doye, nug Israel danab ah dilagppa, uug digdig ibppa be, Yawe Nug ag ehanatte, ag ena daappignu ele mattie doyom.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.

Jeremaia 23:20

Yawenu oo nauhak am anamib dayebeb ukkeb, Yawe Nug nuhig dabmakppa aɗi aɗi hekkunu dabmette, Nug ooppa aɗi bekkunu maittak awom daatte, keeke amu oh ba maleb, oppoɗi bak amu iitta mekku. ⌊Amu Yawe atte⌋ “Butti haen adekku ag imunu diignu doyak tutukku aɗaglag.

Jeremaia 4:1

Amu Yawe Nug inam atte. “O Israel danab ah, ag eɗun, da waalppa daaglanu oolag daatte dayeb amu, ag eɗun, dahilppa uɗieg! Ag kayak hambuppuak dottolkad, da amunu oolppa uuaknab doottem amu, ag dottolkad amu agappeg goppeg, ag ib eheɗ amu tuɗidna ii gokkulagnu dayeb, ag kobol genab, ag nai doya mala hettoɗia epeɗia elele mettak kobol, amu genab tutukku hak kobol ele dim lamidnana, ag, ‘Yawe genab bau daatte, genab amubia,’ ag nai amuppa ahilag nai ɠagattag qedappeg, ⌊da ag itittak ena madappi, wan ohppa danab ah ag amu anidna, unuqiɗppeg,⌋ da ag itadppi, ag dahilppa gamag ahak doon, ag da binal meɗaglag,” awa atte.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Gayak Nai 3:40

Yawe Nug bu mekkeb, ig nai aib hemut. Iitta. Ig ihinig hak, ihinig oiyak dabmetata, epeɗidtata, ma anttak meta; ig eɗut, Yawe waappa daagnignu hetu!

Daniel 10:14

Nug ehaniɗkkunu uɗiom amunu, da dimppa nahipad danab ah dilagppa aɗi bekkunu meu appi dookkutnu uɗimi. Aɗinu? Tulegleg imuam dimppanu keeke,” awa aum.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Sekaraia 6:15

Danab wan atu kuɗumppanu ag uɗin, Yawenu mettid lag eɗun bappaidkkulag. Ag amu heppeg anidna, ag dooglag, da, Sekaraia, da Yawe Nukka Ɠagattag Oh Ele oɗeppanu nai awe, ag mattami. Ag Yawe, ahilag Kayak, ag nuhig haknunab anak oh yagbak ele dim lamidkkulag dayeb amu, keeke amu oh anam aakku bekku.

Namba 24:20

Aria, Balam nug neekka, nug Amalek danab ah anatta, nug nai meunab ele imu mattiom. “Amalek amu, nug danab laa oh oolagppanu anuqak dayom, amge nug geha nauha, iitta mekku,” awa aum.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Duteronomi 30:10

Amge ehanittak ena anam bekkunu am, ag Yawe, ahilag Kayak, ag nuhig haknunab anak, nuhig ɗo ele oh, Ɗo Nai Buk imuppa yaak niitte ele, ag oolag eɗueb, nai amu dim lamidnana, ag Yawe, ahilag Kayak, ag Nug meulag ohppa, oolag ohppa ele Nug dim lamidkkulag, amuam bekku.

Duteronomi 30:2

haen amu ag, amu nid ahilkad ele ag eɗun, Yawe, ahilag Kayak, ag Nug waappa daan, ag meulag ohppa, oolag ohppa ele haknunab anak nai oh da gemu mattami ele, ag amu tutukku dim lamidppeg amu,

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Duteronomi 31:21

Anam heppeg amu, geha uug naunab, amu uug digdig laa ele bekkulag. Ahi da ippunadkkul ele, ahi amuam laa aɗi heehe anttomnu mattiak danab, am danab amubia dayaya, Israel danab ah ag nau heppignu ippunadkku. Aɗinu? Ag buɗulkad ag ahi amu daulag ii atima. Danab ah imu ag diilag attemunab amu da doyadttem, amu wan da ag mamelkad aɗi madakkulnu dahil nai ɠagattag qetta anak ii hemi dayeye, da ag iikku doyadttem. Ge, gemu ele, da ag aɗi hekkulag, da doottem.” Yawe Nug anam Moses amegppa aum.

Duteronomi 31:29

Aɗinu da anam hekkul. Da doottem, da mauhppi amu, ag kobol diig ena iitta, uɗig uuak ele hena, ib da ag amelagppa hekkulagnunab ami amu apiɗna gokkulag. Ag butti aɗi nau anam hebeppeg, diig amunu Yawe Nug oppoɗi beeb, uug naunab ahilagppa nekku.” Moses nug Israel amelagppa anam aum.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.