Duteronomi 4:2 - Nobonob Baibel

² Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Duteronomi 4:2 ပူးပေါင်းရင်းမြစ်များ

Sam 78:7

Ag menuattak huu laippu bia oh ag anam hekkulag dayeb amu, menuattak huu laippu bia anen anen dokkulag amu, ag ele Kayaknu oolagppa genab dooglag. Ag Nug aɗi aɗi heum ii daulag atima. Ao, ag nuhig ɗo dim lamidkkulag.

Prowerb 30:6

Nug aɗi atte amu, na aib tuɗidna, laa ele ame; na amu hekkut dayeb amu, Nug na daut bata, na am hambuppuak danab daattem ippunidkku.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Matyu 5:18

Da genab ag amelagppa attem. Hab wan ele ii qettoɗak haenppa, haen aa daapepeɗ, ɗonu nai huppu nagnag laa, huppu laa oh dilag okkai am imu eɗidtte, huppu amu nuhig uɗat gogppa ii tak dayeb amu, huppu nagnag amu iinab qettoɗma.

Matyu 5:43

Amu ag anukka nai laa ele aoppig amu ag nai amu dootteb. Nai amuam inam. ‘Na layapnu oot mauhkku, amge na kekeɗ nahipnu, na ootppa nau ninig ele doye!’ aon appig.

Galesia 3:15

O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.

Duteronomi 1:3

Israel ag qauko Sinainu ahan, maɗ 40 uue, kalam 11ppa, deɗ digmakppa ag Jodan le laih kaɗag uɗitteppanu daaegeg, Moses nug digma, keeke imu oh ag amelagppa mattie dooppig. Keeke oh Yawe nug amelagppa akkununab amegppa aum amu, nug ag amelagppa mattiom.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 13:1

Geha propet laatai, o danab nug butti aɗi keeke laa bekkunu daatte tulppa anidtte amu, nug Kayak dabmettaknu kobol danab haknu elele iitta, o uɗat ɠagattagnab laa bekkunu ab dooglagtai.

Duteronomi 33:4

Da, Moses, da Kayaknu ɗo, danab ah mattami. Ɗo amuam Israel danab ah, ahilagnab.

Duteronomi 4:14

Am haen amuppa Yawe Nug da ag ɗo iɗu iɗu, ag Jodan le mataɗna wana, wan ag aon daaglagnu hetteb, amuppa nona daanna, dim lamidkkulagnu da ag ippunadkkulnunab a, da anam hemi.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 8:35

Keeke haknunab, Moses nug mattom ele amu, nug amu oh danab, ah, nid naunau, amu wan laihnu danab ah, ag uɗin Israel oolagppa daappig amu, nug ag oh dooglagnu ebqeum. Nug maha nakok laa ii tippalom.