Duteronomi 4:13 - Nobonob Baibel

¹³ Nug nug tituana nai qakkaknu nai nuhig ag ippuanattom. Amuam Yawenu ɗo 10. Nug ag amu dim lamidkkulagnunab aum. Ana, Nug men maha aɗitppa ya mattom.

Duteronomi 4:13 ပူးပေါင်းရင်းမြစ်များ

1 King 8:9

Amu Tituanak Nainu Kunup ooppa am keeke kuɗum iitta; men maha aɗit, amuppa Kayaknu ɗo nai yaak ele, Moses Horep appa kunup amuppa meum ele amu, men aɗit amuib aguppa dayom. Horep appa amu, Israel danab ah ag Isip uun uɗin, Horep bena daaegeg, appa amu Yawe he, Israel Nug ele ag nug tituanna nai qagappig.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Eksodas 24:12

Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Eksodas 31:18

Yawe Nug Sinai qaukoppa Moses amegppa nai amu oh mattia malowa, Nug men maha aɗit ɗo nai yaak niitte, amuppa Nug eppeg doɗoppa nai amu yom amu, Nug Moses men aɗit amu mettom.

Eksodas 34:1

Amu Yawe Nug Moses amegppa inam aum. “Na men maha aɗit, na aoɗatme ele amu, na men maha aɗit amubia otaɗna bappaidna diiatppe, aria geha da nai anukka ye otaɗmi, amuib da eɗue ye otaɗkkul.

Eksodas 34:28

Amu Moses nug Yawe ele qaukoppa deɗ 40 daayya, tuqan 40 ele daapiɗ. Moses nug appa anam dayaya, nug ee laa ii laum, le ele ii laum. Am Yawe Nug men maha aɗit, Moses awa teum ele, Nug amuppa nug tituana nai qakkak heppig, Nug amunu nai yom. Nai amuam Yawenu ɗo 10.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

2 Korint 3:7

Kayak Nug ɗo nai amu men mahappa ya otaɗa, Moses eppegppa me awom amu, ɗo nai amu ig oh dim lamidkkunignu am elele iitta. Amunu ɗo nai, nuhig uɗat amu ig ihinig hipuninnu oonig ii eɗuebeb, ig mauhta padal mekkunignu daatte. Amge Kayak Nug ɗo nai amu bekkunu he, nuhig binag amahlak oppiaawak ele ba, Moses iɗuppa amahlele, Israel ag nug iɗuppa neegkkulagnu elele iitta daappig. Moses nug ɗo nai mattia male, dimppa amu Kayaknu amahlak nug iɗuppa amu aakku iitta meum.

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Duteronomi 4:14

Am haen amuppa Yawe Nug da ag ɗo iɗu iɗu, ag Jodan le mataɗna wana, wan ag aon daaglagnu hetteb, amuppa nona daanna, dim lamidkkulagnu da ag ippunadkkulnunab a, da anam hemi.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.