Duteronomi 4:12 - Nobonob Baibel

¹² Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Duteronomi 4:12 ပူးပေါင်းရင်းမြစ်များ

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 20:22

Moses nug anam te, Yawe Nug Moses amegppa aum. “Na appe, Israel danab ah ag nai dahil imu doyeg! ‘Da hab aabppanu ag amelagppa nai mattimi amu, ag amu doon malappig.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Aisaia 40:3

Doyeg! Da laan baag inam eewo doottem. “Atu taɗakppa ag Yawe uɗikkunu ib babaitteg! Ao, wan meu waknu nakokib elele, appa ag ib tutukku, tak nak iitta ele ihinig Kayaknu babaitteg!

Aisaia 40:6

Baag laa aum. “Na nai a!” A amu da ami. “Aɗi nai da madikkul?” Awe ai, amu baag amu da oɗelppa awa aum. “Danab oh ag gikkiɗah bia daatteb, binag amahalak oppiaawak ele ahilkad am bala haɗag bia daatte. Gikkiɗah qaɗaiedatte amu haɗag oh mauɗna, nena qetteb. Na anam aon appe doyeg!” awa aum.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Matyu 3:3

Anukka propet Aisaia nug Jonnu inam mattia aum. “Nug am baag laa atu taɗakppa dayaya, nai inam ewa atte. ‘Ag Naɗi uɗikkunu ib babaitteg! Ao, ag ib tutukku, tak nak iitta ele nuhignu babaitteg!’ ” Aisaia nug Jonnu anam aum.

Duteronomi 10:4

Aakku Yawe Nug baula, nug tituana nai qakkaknu nai amuppa yom. Nug tituanak nai amuam Yawenu ɗo 10. Nug ya mala, da meɗom. Nai yaak amu ag qauko diigppa qagmen daaegeg, Yawe Nug qaukoppa aab dittiak ooppa dayaya, nai mattieye dooppig ele, amuib yom.

Duteronomi 4:11

Aab dittiak naɗi qaukoppa dayeye, ag dona, qauko gukkuidna wana, diigppa hippaidna daappig. Aab dittiak nug attannab, habppa teum, amge lombig hinqak, gatatunab ele qaukoppa dayom.

Duteronomi 4:13

Nug nug tituana nai qakkaknu nai nuhig ag ippuanattom. Amuam Yawenu ɗo 10. Nug ag amu dim lamidkkulagnunab aum. Ana, Nug men maha aɗitppa ya mattom.

Duteronomi 4:15

Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.

Duteronomi 9:10

Yawe Nug men maha aɗitppa, nug tituana nai qakkak nai, Yawe Nug qaukoppa aab dittiakppa dayaya mattieye, ag qagmen dooppig ele, Nug nukka nai amu ya, da meɗom.

Kolosi 1:15

Kayak Bekka Nug am Kayak, danab laa nug Nug anidkkunu elele iitta, Nug bianab aakku daatte. Nug am keeke oh Kayak he beum daatte, Nug amunu ikki anuqaknab daatte.

Hibru 12:19

Qauko amuppa trampet huana iwalak dayom, amu Israel ag amu oh doon anidppig. Ag qauko amuppa amu oh doon anidna, ag ele Kayak baag doon, ag baɗana Moses amegppa inam appig. “Ig baula baag amu doyak uuttem,” aon appig.