Duteronomi 4:10 - Nobonob Baibel

¹⁰ Anukka, Horep qaukoppa appa Yawe, ahilag Kayak, Nug da amelppa inam aum. “Na danab ah qagmadappe, da nai appi, ag dahil nai dooglagnu, ag doon, ag wanppa bau daatteb, haen amu oh ag dahilnu ebehilag oh bodoetta le mekkunu, ag nid naunau ahilkad dahil ɗo ele ippunadkkulagnu da noolppa dayeg!” Nug da amelppa anam a, da hei, ag Horep qaukoppa Nug noobppa qagmeppig amu, ag deɗ amu aib daulag atiom. Iitta! Ag daulagppa dayaɗ!

Duteronomi 4:10 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Sam 145:4

⌊O Yawe,⌋ haen oh nid anilkad mamelkad ag nahip uɗat enanu nid ahilkad amelagppa mattiglag. Yo, ag geha na uɗat okkai, ɠagattag heme, ag amunu amelagppa mattiglag.

Eksodas 19:1

Israel ag Repidimnu ahan, oin oin gona, Sinainu atu taɗakppa tena, Sinai qauko diigppa, ag haen tutu dayaknu aab kalan daappig. Ag Isip uun, kalam aɗit oin, kalam ewam, deɗ digmakppa ag qauko Sinai diigppa teppig.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 19:16

Moses nug anam mattie ukke, deɗ ebqak ewam amuppa, buttua hakkaɗ qeeqe, amemɗi awewe, buttuɗai teppu ele qauko igippa daye, trampet iwalak huanak ele dayom. Anam daye, danab ah oh aabppa daappig amu, ag eheɗnab baɗana, beɗulag hahaɗom.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Eksodas 20:20

Ag anam appig, amge Moses nug ag amelagppa aum. “Iitta! Ag aib baɗappig. Aɗinu? Kayak Nug ag nuhig nai tabappeg nemanu hette. Ag nuhig ɠagattag okkai huanak ele anidna, ag nuhignu ebehilag oh bodoetta le meeb, ag hipunin ii hemananu, nug nuhig ɠagattag okkai huanak ele ippunadtte,” awa aum.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Aisaia 38:19

Danab bau daatteb, ag na onig okkai medatteb, ag ⌊baelkadppa aɗi amelagppa⌋ da gemu hettem bia, ag nahip ehanittak okkainu maditteb. Mamelkad ag nid naunau ahilkad amelagppa layag oo metta ii uuak kobol nahip na dim lamidnana, danab ah ehanadtteb ele amu, ag amunu ag amelagppa maditteb.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Duteronomi 11:19

Ag nid ahilkad ippuanatteg! Ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Duteronomi 12:1

Yawe, ag mamelkad aɗi dilag Kayak, Nug wan ag madatte, ag wan amu aon, amuppa daanna, ɗo iɗu iɗu ag dim lamidkkulagnu daatteb am iikku. Ag wan amuppa daanna amu, ag dim lamittaknu ii uuglagoitte.

Duteronomi 14:23

Ag keeke obatak eblaih tanig ele ooppanu obatak laippu amu Yawe, ahilag Kayak, Nug ag aben Nug onig aguppa daakkunu epeɗikku amu, ag obatak amu aon, appa gona, amuppa ag Nug noobppa daanna lakkulag. Keeke obatak amuam: ee aeg, wain bau, olip goɗen, doɗ sipsip, meeme, makau ele nalkad ⌊dawai⌋ tatamnu, keeke amu oh. Ag Yawe, ahilag Kayak, ag hanhan nuhignu ebehilag oh bodoetta le mekkunu ippunittak aoglagnu amu, ag keeke obatak 10 ooppan, obatak laippu aon gona, anam hekkulag.

Duteronomi 17:19

Nug ɗo digdig ya awom, amu nuhigppa dayebeb, nug hanhan ebqekkuoitte. Nug Yawe, nuhig Kayak, nug nuhignu ebehi oh bodoetta le mekkunu, nug ɗo oh ɗo nai imuppa daatte doya dim lamidkkunu amu, nug anam hekku.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Duteronomi 5:2

Ig Horep qaukoppa daatta, Yawe, ihinig Kayak, Nug he, ig nug tituana nai qakkak Nug ele hemut.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Duteronomi 6:7

Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Revelesen 19:5

Ag anam aeg, sia king ⌊anuqak⌋, amuppanu amu baag laa ewa aum. “Ag Kayaknu maɗi nid, ag Kayaknu ebehilkad oh bodoetta le mette amu, ag okkai okkai, naunau ele ag oh ag ihinig Kayak binag meig!” awa aum.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!