Duteronomi 4:1 - Nobonob Baibel

¹ Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 4:1 ပူးပေါင်းရင်းမြစ်များ

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Eksodas 18:20

Na Kayaknu ɗo iɗu iɗu ag ippunadnana, na Kayak ippu ele tutukku ag ippunadnana, na ag Kayak noobppa aɗi aɗi hekkulagnu daatteb amu, na amu ele ippunadkkut.

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Esekiel 20:21

Da danab amu ag bekkalkad aɗelkad ele amelagppa amunu ami, amge ag ele dahil nai tappaeg neum. Danab nug dahil ɗo dim lamidtte amu, nug bau daakku, nug padal ii mema, amge ag dahil ɗo iɗu iɗu pehettak ii dabmettan, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Ag amu heppig amunu, da oppoɗil be, bu madakkulnu ami. Ao, da ool nauhehe, da ahilag hak naunu atu taɗakppa nob madakkulnu ami.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 20:8

Ag dahil ɗo dabmettan dim lamitteg! Da am Yawe, daib, da hei, ag dahilnu, oppiaawak daatteb.

Lewitikas 22:31

Da am Yawe amunu, ag dahil ɗo ag dim lamidkkulagnunab daatteb, ag genab tutukku dim lamidkkulagoitte.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Duteronomi 1:3

Israel ag qauko Sinainu ahan, maɗ 40 uue, kalam 11ppa, deɗ digmakppa ag Jodan le laih kaɗag uɗitteppanu daaegeg, Moses nug digma, keeke imu oh ag amelagppa mattie dooppig. Keeke oh Yawe nug amelagppa akkununab amegppa aum amu, nug ag amelagppa mattiom.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 11:32

ag ɗo iɗu iɗu oh gemu da ag madattem imu oh tutukku dim lamidkkulagoitte.

Duteronomi 13:1

Geha propet laatai, o danab nug butti aɗi keeke laa bekkunu daatte tulppa anidtte amu, nug Kayak dabmettaknu kobol danab haknu elele iitta, o uɗat ɠagattagnab laa bekkunu ab dooglagtai.

Duteronomi 16:20

Am ag wan laa, Yawe, ahilag Kayak, Nug ag wan amu madatte ele, ag wan amu aoglagnu, ag appa bau daaglagnu amu, epeɗiak danab ag nai doya mala hettoɗia epeɗia elele mettak kobol tutukku heig! Ag aib kaliak laa heppig.

Duteronomi 30:16

Da gemu ag Yawe, ahilag Kayak, ag nuhignu oo mauhak doon, ag Nug oɗe, nuhig haknunab anak, nuhig ɗo oh ele dim lamidkkulagnunab ag amelagppa attem. Ag amu hekkulag dayeb amu, ag bau daanna, appatnana, ena daaglag. Laa amu, ag amu hekkulag dayeb, Yawe, ahilag Kayak, Nug wan ag aoglagnu daatteb amu, Nug wan amuppa ag itadkku.

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!

Duteronomi 30:20

Ag Yawe, ahilag Kayak, ag nuhignu oo mauhak doon, ag Nug oɗe dim lamidna, Nug hanhan guguittak daaglagnu tituaneg! Aɗinu? Nug am ahilag bau dayaknu diig. Ag anam hekkulag dayeb amu, ag haen elabnab ahilag wanppa daaglag. Yawe Nug wan amu ag mamelkad aɗi, Abraham, Aisak amu Jakop ele, Nug ag wan amu madakkunu nai ɠagattag qetta aum.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 4:8

Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 6:24

Anam daye, Yawe, ihinig Kayak, Nug ig nuhig ɗo imu oh dim lamidkkunignu, ig nuhignu ebehinig oh bodoetta le mekkunu, Nug ig ɗo mekkom. Ig amu hekkunig dayeb amu, Nug heeb, ig bau daat, ig gemu ena daattem bia haen oh ena daagnig.

Duteronomi 7:11

Amunu da ag ɗo iɗu iɗu imu, haknunab anak nai ele ag dim lamidkkulagnunab ainne, gemu madattem imu, ag amu dim lamitteg!

Duteronomi 8:1

Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Josua 3:9

Yawe Nug Josua amegppa anam a, Josua nug Israel danab ah amelagppa aum. “Ag inam dona, ag Yawe, ahilag Kayak, ag nuhig nai doyeg!