Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Duteronomi 32:9 - Nobonob Baibel

9 Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

အခန်းကိုကြည့်ပါ။ ကော်ပီ




Duteronomi 32:9
28 ပူးပေါင်းရင်းမြစ်များ  

Amu da imu ele dabmemi. ‘King nug dahil nai dookku amunu, Nug ehaniɗa, laa ag da, da bekkal ele nitappeg mauhɗa, i wan Kayak i aunih daakkunu metom eleppa ii daamɗanu hetteb ele amu, nug heeb, ag hekkulagnu elele iitta daaglag,’ dabmemi.


Ig Israel danab ah oolagppa king waappa oo metta ii uuak kobol dim lamidtata, maɗoɗ ele dayaknu danabnab daattem. Aab okkai imuam Israel ooppa ah laa nug nid nuhikkud anilag daatte bia daatte, amge na aab imu heppe nauhkkunu hettem. Yawenu keeke ii daama, nuhikkudnab danab ah kuɗum ele ii daamnanu hettem,” awa aum.


Aɗinu? Ig Israel, ig am danab ah nahipadnab. Isipnu amu, na ig aigna omaigna, ippa uɗime. Wan amuppa amu, ig eheɗ daamut, uɗat nau hemut.


Aɗinu? Na nakka ig Israel danab ah, danab ah buɗub ohnu oolagppanu awigna he, ig am nahipadnab danab ah daattem. O Naɗi Yawe, anukka, haen na ig mamenkad aɗi Isipnu diin, omaladna uɗime, haen amuppa na anam nahip maɗi nid Moses amegppa, na nai amu ae doya, amunu aum.” Solomon nug anam unuqittom.


Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.


Da amunu oɗ medattemnu diig laa am, laa na tituanadme ele, na ehanadppe, ag keeke ele elele daappeg, da ag oolagppa ele anam daakkulnu ool daatte. Diig laa am nahip danab ah ag gamag ahak dooppeg, da, ag ele oonig gamag ahakkunu ool hette. Amu diig laa am danab ah nahipadnab daatteb amu, ag na binan mebeppeg, da ag ele binan mekkunignu ool niitte.


Ag Yawe binag mekkulagnu diig am, Nug Jakop buɗub nuhikkud daaglagnu tituanattom. Ao, Nug Israel danab ah ag nuhikkud danab ah, nuhig en okkainab bia daaglagnu tituanattom.


O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.


Wan atunu danab ah ag ahilag Kayak am Yawe amu, ag itittak ena aoppig daatteb. Ao, danab ah aun aɗi Yawe Nug ag nuhikkudnab daaglagnu tituanattom ele amu, ag itittak ena aoppig daatteb.


Ig nahipadnab danab ah daagnignu anukkanab na tituanigme amu, na ig dabmegakkutnu oɗ medattem. Ao, na ig tituanigme, ig huu okkai laa nahipad danab ahnab daagnignu, na ig qagaiettakppanu eɗua uhuqak hena mekkame amu, na ig dabmegakkutnu unuqidttem! Ge, na wan imuppa Sion qauko appa daame amu, na qauko amu dabmekkutnu oɗ medattem.


Ge, Nug Dawit sipsip gumattakppan awom. Naɗi Nug Dawit nug nuhikkud danab, ag Jakop buɗub amu, nug ag gumadkkunu diiom. Ao, Nug danab ah nuhikkudnab daatteb, ag Israel danab ah amu, Nug Dawit ag gumadkkunu diiom.


Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.


Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.


Yawe Nukka Ɠagattag Oh Ele, Nug ag itittak ena inam madakku. “Isip danab ah, ag am danab ah dahilad, Asiria danab ah, da ag hattami, Israel danab ah amu, ag dahiladnab daatteb. Anam amu, ag oh ag itittak ena aon malappig,” awa ana itittak ena madakku.


Yawe Nug doɗ amu ag wan amuppa daaglagnu, wan amu ahilag tituana, anen anen daaglagnu wan amu otia mattom. Doɗ amu ag hanhan wan aon, amuppa daappeg, amu ahilagib hanhan daakku.


Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.


Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.


Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.


Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Jakop buɗub ele hattom. Jakop buɗub ag am nuhikkudnab danab ah. Nug onig am Yawe Nukka Ɠagattag Oh Ele.


Uug anam bekku amunu, ag eheɗ hak danab, ag Yawenu danab ah oolagppa daatteb amu, Yawe heeb, wan maha laa ag eppelagppa baula ii daama. Iitta.


Wan laa Yawenu tituanak daatte, wan amuppa laih Juda am nuhig aug bia dayebeb, Yawe Nug baula Jerusalem tituaneb, nuhig aabnab daakku.


Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.


Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.


Aɗinu? Am kayak auntai laa iitta, Yawe, ihinig Kayak, Nugnab ig mamenkad, amu ig ele begbeg maɗi nid daautut, Isipnu awikkom. Amu Nug nuhignu dabmettaknu kobol danab haknu elele iitta okkainab hatte, ig anidmut. Nug ig aben ohppa gomut amu dabmekka auta awewe, wan laala ig nakok gamag oppatadtata uɗimut.


Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ