Duteronomi 30:3 - Nobonob Baibel

³ Yawe, ahilag Kayak, Nug ag diia, ahilag wanppanab eɗua maadkku. Nug ahilagnu oo gai-iitta doya oo metta ehanittak ha, Nug ag matatuatta, wan laalappa mattom, Nug amuppan eɗua diia, qagmaadkku.

Duteronomi 30:3 ပူးပေါင်းရင်းမြစ်များ

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 48:21

Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

1 Stori 16:35

⌊O Israel danab ah⌋ ag Nug inam unuqitteg! “O Kayak, ihinig Padal ii maknu ehanittak, ig na, na onin am oppiaawak ele, ig na amenppa, ‘Ena heme,’ akkunignu, ig gamag ahak okkai doot, na onin humagnignu, na ehanigppe, ig padal mematanu unuqidttem. Ao, na ehanigppe, ig qagaiettakppa ii daapput, wanppan wan laalappanu qagmeigppe, ig ihinig wanppa daagnignu oɗ medattem.” Ag anam aon unuqitteg!

Nehemaia 1:9

amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.

Job 42:10

Amu Job nug laikkud ewam dilagnu unuqitta male, Yawe Nug Job ehanitte, nug eɗua, keekenu elelenab baula dayom. Yawe he, Job tatam doɗ keeke, gane dayom amu, gemu nug amu eɗittak, kuɗumnab ele dayom. Anukka aɗi doɗ keeke, laippu dayom amu, gemu aɗit daapiɗ.

Sam 107:3

Nug danab ah wan laala ohppanu eɗua aɗalatta uɗiom amu, ag laa amelagppa anam appeg doyeg! Ao, Nug laa ag laih kaɗag uɗitteppanu, qaban uɗitteppanu, yawalti uɗitteppanu, yau uɗitteppanu ele aɗalatta qagmaattom amu, ag amunu mattieg!

Sam 147:2

Yawe Nug Jerusalem qabatte. Nug diia ukka laih me dayak danab ah eɗua diia, Israel uɗitte.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Aisaia 43:5

Ag aib baɗappig. Aɗinu? ⌊Da heppi, ag laih laih mattatun gona daaglag, amge⌋ da ehanadppi, ag aam bedeppanu, aam nodeppanu ele eɗun uɗiglag.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.

Aisaia 56:8

Amu Naɗi Yawe Nug nuhikkud danab ah Israelnu wan laalappan qagmatta, omalatteb, ahilag wanppa uɗiglag ele amu, Nug geha danab ah huu laalappanu ele diia uɗieb, ag laa daaglag, ag amu ele oh daaglag.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

Jeremaia 23:3

Am da hei, danab ah dahilad ag wan laalappa gona, danab ah amu oolagppa oɗo yaak daatteb amu, geha da dakka danab ah dahilad amu ag huu ameg nakok daatteb, da ag qagmaadkkul. Da geha ag diie, omaladppi, ag eɗun wan ahilagppa uɗin daanna, am geha ag kuɗum menuadna, ag appatna, ag kuɗumnab daaglag.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Esekiel 11:17

Jerusalem danab ah ag anam atteb amunu, na laa ag diia ukka laih me dayak danab ah daatteb, na ag amelagppa inam appe doyeg! Naɗi Yawe Nug inam atte. ‘Da heppi, ag wan laalappanu eɗun, ahilag wanppa uɗiglag. Ao, da heppi, ag wan laalappa da hei, ag appa matatun gona daatteb amu, da heppi, ag eɗun uɗin, ahilag wanppa daaglag. Da heppi, Israel wan anukka ahilagnu dayom amu, ag wan amuppa eɗun daaglag,’ awa atte.

Esekiel 36:24

Amu Naɗi Yawe Nug inam ele atte. “Da ag Israel, da ag wanppan wan laalappa daattebnu diiadkkul. Ao, da ag Israel ag wan laalappanu qagmatten omalatte, ahilag wanppa eɗue uɗippi, ag ahilag wanppanab daaglag.

Esekiel 39:28

Da amu oh heppi, Israel ag dooglag, da am Yawe, ahilag Kayak. Ag amu dooglagnu diig am, da genab hei, ag gona, wanppan wan laalappan danab oolagppa diia ukka laih me dayak danab ah daappig, amge da heppi, ag eɗun, ag wanelagppa daaglag. Laippu laa wan nug dayomppa ii daama.

Maika 7:19

Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.

Sekaraia 10:9

Da hei, ag haɗag ulah diie, laih laih gotteb bia wan atu laih laih matatun gona daatteb, amge appa ag dahilnu dabmekkulag. Ao, ag, amu ahilkad nid ele ag bau daanna, ag eɗun, ippa, Israel wanppa uɗin daaglag.

Rom 11:23

Ele amu eppekkud laa, ag ooppa genab ii doyak tuɗidna ii heppeg amu, Kayak Nug eɗua tuɗitteb ag ele ad eppekkud aakku daaglag. Kayak Nug eɗua tuɗitteb daaglagnu elele.

Rom 11:26

Kobol anamppa Kayak Nug Israel oh eɗua diikku. Amu Kayak naippa, Kayaknu nai laa daatte bia. Nai amuam inam. “Ehanittak laa Sionnu uɗia, Kayaknu, nuhig haknu ele uuak kobol Jakop toppanu amu, Nug aokku.

Rom 11:31

Gemu Israel ag Kayak oɗe tappe nakppa daatteb, amu ag ele Kayaknu oo gai-iitta doya oo metta ehanittak kobol waappa daaglagnu, Kayak Nug ag iitta aɗi ahilagnu oo gai-iitta doya oo matta ehanadtte, amuppa Israel ag gemu ele anamib aoglagnu elele daatteb.

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.