Duteronomi 3:8 - Nobonob Baibel

⁸ Gemu amu, ig wan oh, Amo dilag king aɗit amu dilah, Jodan leppanu kaɗag uɗitteppanu dayom amu, ig aakku aot malamut. Wan amuam oolnu noak onig Arnon, appa digme ukke ukke, qauko Hermon batom.

Duteronomi 3:8 ပူးပေါင်းရင်းမြစ်များ

1 King 4:19

Uri bekka Geber, nug am wan obatak Gileat gumom. Wan obatak amuam anukka Amo danab, ag ahilag King Sihon ele, ag daadppig. Amu Basan danab, amu ahilag King Og ele ag ele wan amuppa daadppig. Amge gemu Geba nukka wan obatak amu gumom. Danab amu ag wan obatak anen anen dilag anam daappig, amu laippu laa nug amu oh dilag anuqak danab dayom.

1 Stori 5:23

Israel dilag huu okkai Manase mahaib, amunu danab ah, ag Jodan le laih daappig, ag am ebqak kuɗumnab. Ag Basan wanppa daaeg ukka ukka, laih yawalti uɗitteppanu qauko Hermon, Balhermon, Senir ele batappig.

Sam 42:6

Da ippa qauko Hermon, qauko Misa, Jodan le gogppa ele guguittak uugnu oola, laih dayaknu danab daattem. Da anam dayeye, da oolppa elele ii doottem amunu, da Kayak unuqidkkul.

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.

Duteronomi 4:48

Israel ag danab ag aab Aroer, Arnon oolnu noak daug aiɗa daatte, aben appanu danab eɗadna, ahilag wan aoeg ukke, Sirion qaukoppa batak ele eɗadna, wan amu oh aoppig. Sirion qaukonu, ag Hermon qauko ele adappig.

Josua 12:1

Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 13:8

Aria, Israel dilag huu okkai Manase mahaib, amu Israel dilag huu okkai Ruben, Gad ele, ag ahilag wan, Jodan laih kaɗag uɗitteppanu, ag aulag daakkunu amu, wan amu otia mattak, wan amu Yawenu maɗi nid Moses nug matu obata otia mattom.