Duteronomi 3:4 - Nobonob Baibel

⁴ Am ig nuhig aab okkai oh aomut; ahilag ebqak am 60. Og nug Basan wanppa, wan atu gumom amu, wan amuam Argob. Nug wan amu gumom, amge ig wan amu oh nug eppegppanu aomut.

Duteronomi 3:4 ပူးပေါင်းရင်းမြစ်များ

1 King 4:13

Bengeber, nug am aab Ramot, Gileat wanppanu, amu wan aab amu taliliom ele gumaama, nug Jair ⌊buɗubppan⌋ aab ele gumattom. Jair nug am Manase bekka. Am aab amu oh ele Gileat wanppa daatteb. Amu laih Argob, Basan wanppa daatte, amu ele gumom. Am laih appa amu, aab okkai 60 daatteb; amu oh am aɗ itak ele, od oɗeppa od, aria od manak qaknu keeke brasppa hak ele daatteb.

Namba 21:35

Yawe anam aum amunu, Israel ag King Og, nug bekkod, am nuhikkud ban daup oh ele aqappig. Ag laippu laa ii uuitteg dayom. Anam hena, ag nuhig wan ahilag daakkunu aoppig.

Duteronomi 3:13

Anam hewoya, da Gileat wan laa oh, amu Basan wan ele, anukka Og gumom, da Manase huu mahaib, ag mattami. Basan appa wan atu onig Argob oh, anukka ag wan amunu am Repaim dilag adappig.

Duteronomi 3:14

Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Duteronomi 3:3

Yawe, ihinig Kayak, Nug Og, Basan dilag king, nuhikkud danab ah oh ele diia, ig eppenigppa me, ig ag ohnab aqaut mauhppig. Ig laippu laa ii uuittut dayom.

Duteronomi 3:5

Aab okkai amu oh ig nuhigppanu aomut ele amu, aab okkai amu oh am aab ɠagattag aɗ ele, ahilag aɗ am attannab, amu aɗppan od oɗeppa amu, od manak qaknu keeke ele daappig. Amu ig aab naunau kuɗum aɗ ii hattak ele, amu ele haen amuppaib diimut.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.

Josua 12:4

King Og nug Basan dilag king dayom. Nug Repaim buɗubppan dimnunab, nug Astarot, amu Edrei ele appa dayaya, king dayom.