Duteronomi 3:18 - Nobonob Baibel

¹⁸ Haen amuppa da haknunab nai imu Israel dilag huu okkai, ag Jodannu kaɗag uɗitteppanu daaglag amu, da ag amelagppa ami. “Yawe, ahilag Kayak, Nug ag wan imu aon, ahilag keeke daakkunu mattom, amge ag ahilkad ban danab ɠagattag amu maadppeg, ag Jodan mataɗna wana, ag lailkad Israel laa appa daaglag amu, ag ag ehanadkkulagnu ban haknu bappaidna anuqna gokkulagoitte.

Duteronomi 3:18 ပူးပေါင်းရင်းမြစ်များ

Genesis 15:7

Abram nug Yawenu nai ooppa genab doye, amu Yawe Nug Abram amegppa aum. “Da am Yawe. Da na wan imu medappi, nahip daakkunu Ur, Kaldia wanppanu awitten, omaitti uɗime,” awa aum.

Sam 136:21

⌊Yawe,⌋ Nugib king aɗit amu dilah wan diiata, Israel danab aulag daaglahnu Israel danab mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte. Ao, ⌊Ig Yawe,⌋ Nug king amu dilah wan diiata, ag aulag daaglahnu, nuhig maɗi nid Israel mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Namba 33:53

Wan amu ahilag daakkunu mattami amunu, ag ahilag daakkunu, ag amuppa nona aona dayeg!

Duteronomi 12:1

Yawe, ag mamelkad aɗi dilag Kayak, Nug wan ag madatte, ag wan amu aon, amuppa daanna, ɗo iɗu iɗu ag dim lamidkkulagnu daatteb am iikku. Ag wan amuppa daanna amu, ag dim lamittaknu ii uuglagoitte.

Duteronomi 15:4

Amge ag geha Yawe, ahilag Kayak, ag Nug oɗe tutukkunab dim lamidnana, ag nuhig haknunab anak nai gemu da ag madattem imu oh tutukku dim lamidkkulag dayeb amu, Yawe, ahilag Kayak, Nug wan ag aoppeg, ag aulag daakkunu madatte, amuppa Nug ag huana itadkku amunu, ahilagppa daɗek laa ii daama.

Duteronomi 19:14

Amu Yawe, ahilag Kayak, Nug wan ahilag daakkunu ag madatte amu, ag amuppa nona, ag aibnab mudippan lailkad dilag wan aoglagnu tom ag alalkad meppig mautadppig.

Duteronomi 19:2

Anam hena amu, ag wan amuppa, Yawe, ahilag Kayak, Nug ag wan amu aon, ahilag daakkunu madatte amu, amuppa, ⌊ag ii doyaya laa qe mauhomnu ehanittak⌋ aab okkai ewam epeɗiadkkulagoitte.

Duteronomi 19:7

Diig amunu da ag aab okkai ewam, ii doyaya laa qe mauhom ele ehanittaknu aab epeɗiglagnunab attem.

Duteronomi 21:1

Amu wan Yawe, ahilag Kayak, Nug ag aoglagnu madatte amu, amuppa laa nug danab laa duug o, gaɗa am piɗe, danab ii daappigppa, dad okkai laappa keeke, amuppa niieb anidna, aun heum ii dooglag dayeb amu, ag inam iikku hekkulagoitte.

Duteronomi 25:19

Ag anam heppig amunu, haen Yawe, ahilag Kayak, haen Nug heeb, ag hik aon ena daaglagnu, wan Nug ag aulag daakkunu madatte, ag amuppa daanna amu, haen amuppa ag banelag gona, Amalek danab ah ag iitta mena autna aoppeg, hab waappa, danab laa nug baula ahilagnu dab-ii-memanu heig! Ag amu hekkulagnu aib daulag atiom.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 9:6

⌊Da baula attem.⌋ Ag imu doyeg! Yawe, ahilag Kayak, Nug ag wan ena imu, ag am genab tutukku aɗi danab anamnu ii madatte. Iitta. Ag am genab tutukku hak danab ah iitta. Ag am oɗe dim lamidmananu dabmak ɠagattag eppak danab ah.