Duteronomi 3:1 - Nobonob Baibel

¹ Amu dimppa amu, ig eɗut, aot Basannu ib ukkak, amu gomut. Ig ukkautut amu, Basan dilag king Og, nug nuhikkud ban daup oh ele ag Edrei appa ig banenig uɗippig.

Duteronomi 3:1 ပူးပေါင်းရင်းမြစ်များ

1 King 4:19

Uri bekka Geber, nug am wan obatak Gileat gumom. Wan obatak amuam anukka Amo danab, ag ahilag King Sihon ele, ag daadppig. Amu Basan danab, amu ahilag King Og ele ag ele wan amuppa daadppig. Amge gemu Geba nukka wan obatak amu gumom. Danab amu ag wan obatak anen anen dilag anam daappig, amu laippu laa nug amu oh dilag anuqak danab dayom.

Nehemaia 9:22

Na ehanatte, ag wan laala king gumappig, amu ɗo maɗoɗ laala ele eɗadna aoppig. Ag wan amu ohnab, tom umanab ukkak oh aoppig. Ag King Sihonnu wan, King Ognu wan ele anam aoppig. Sihon nug Hesbon appa king dayeye, Og nug Basan dilag king dayom.

Sam 136:20

⌊Ig Yawe,⌋ Nug Basan dilag king Og qe mauhom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Duteronomi 1:4

Nai imu amu, nug Amo dilag king Sihon, Basan dilag king Og, ⌊amu ahilti daup ele⌋ aqattowa, nug nai imu mattiom. Sihon nug Hesbon appa dayaya, Amo danab ah gumattette, Og nug Astarot dayaya, Basan danab ah gumattom. Moses nug Edrei appa Og he nauhom.

Duteronomi 2:32

Yawe Nug da amelppa anam a, dimppa Sihon nug nuhig daup ele, Jahas appa ig ele ban hekkunignu uɗippig,

Duteronomi 29:7

Aria, ig uɗiut, Hesbonnu King Sihon amu Basannu King Og ele, aa ig banenig uɗipiɗ, amge ig aa eɗatmut.

Duteronomi 3:2

Ag ban hekkulagnu uɗieg amu, Yawe Nug da amelppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Duteronomi 31:4

Yawe Nug Sihon, Og ele, aa Amo dilag king amu, Nug aa, amu danab ahilti ele hatte nauhppig bia, Nug danab wan amuppa daatteb amu, Nug heeb nauhkkulag.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.

Josua 12:1

Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 12:4

King Og nug Basan dilag king dayom. Nug Repaim buɗubppan dimnunab, nug Astarot, amu Edrei ele appa dayaya, king dayom.

Josua 13:30

Moses nug wan ahilag Mahanaim appa digmekkunu ukka, Basan wan oh, amu King Ognu wan oh ele, nug amu oh ag mattom. Basan wanppa Jair wan banppa awom, amuppa aab 60 daappig, amu nug aab amu oh ag mattom.

Josua 9:10

Ig Yawe Nug Hesbonnu King Sihon, amu Basannu King Og, nug Astarot dayom amu, ig Nug ahilahppa aɗi heum amu, ig doomut. King aɗit amu aa Amo dilag king, aa Jodan lenu kaɗag uɗitteppanu daapiɗ.